Exodo 22:30

Ang Biblia 2011

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Cross References

Genesis 17:12

Ug ang bata nga walo na ka adlaw kinahanglang tulion, ang tanan nga lalaki sa tibuok ninyong kaliwatan nga natawo sa inyong balay o kadtong gipalit gikan kang bisan kinsa nga dumuduong nga dili imong kaliwat.

Exodo 13:12

igahin alang sa Ginoo ang tanang nag-abli sa taguangkan. Ang tanang kamagulangan nga laki sa iyong mga mananap, iya sa Ginoo.

Ezequiel 4:14

Unya miingon ako, “Ah Ginoong Dios! Tan-awa, wala pa gayod nako mahugawi ang akong kaugalingon, kay gikan sa akong pagkabatan-on hangtod karon wala ako makakaon nianang namatay sa iyang kaugalingon o sa gikuniskunis sa mga mananap o may misulod sa akong baba nga hugaw nga unod.”

Levitico 11:44

Kay ako mao ang Ginoo nga inyong Dios. Balaana ninyo ang inyong kaugalingon ug pagbalaan kamo kay ako balaan man. Ayaw ninyo hugawi ang inyong kaugalingon sa bisan unsa nga mananap nga nagkamang sa ibabaw sa yuta.

Levitico 11:45

Kay ako ang Ginoo nga nagkuha kaninyo gikan sa yuta sa Ehipto aron mahimong inyong Dios. Busa pagbalaan kamo kay ako balaan man.”

Levitico 12:3

Ug sa ikawalo nga adlaw tulion ang unod sa yamis sa bata.

Levitico 17:15

Si bisan kinsang tawhana nga mokaon niadtong namatay sa iyang kaugalingon o gikuniskunis sa bangis nga mananap, lumad o dumuduong, manglaba siya sa iyang mga bisti ug maligo siya sa iyang kaugalingon sa tubig ug hugaw siya hangtod sa pagkakilomkilom, unya mahinlo siya.

Levitico 22:27

“Sa diha nga ang usa ka torong baka o ang usa ka karnero o usa ka kanding ipanganak, magpabilin kini sa inahan sulod sa pito ka adlaw ug sugod sa ikawalo nga adlaw madawat na kini ingon nga halad pinaagi sa kalayo alang sa Ginoo.

Levitico 22:8

Kadtong mamatay sa iyang kaugalingon o gikuniskunis sa bangis nga mananap dili niya kaonon kay kini makahugaw sa iyang kaugalingon. Ako mao ang Ginoo.’

Levitico 7:23

“Sultihi ang katawhan sa Israel: Ayaw kamo pagkaon ug tambok sa baka sa karnero o sa kanding.

Levitico 7:24

Ang tambok sa mananap nga namatay ra ug iya ug ang tambok sa mananap nga gipatay ug mananap mahimong igahin alang sa bisan unsa nga laing paggamit, apan dili gayod ninyo kini kaonon.

Levitico 7:26

Dugang pa ayaw gayod kamo pagkaon ug bisan unsa nga dugo, sa langgam o sa mananap, diha sa tanan ninyo nga mga puluy-anan.

Deuteronomio 14:21

“Ayaw kamo pagkaon sa bisan unsa nga mamatay sa iyang kaugalingon. Mahimo nga inyo kining ihatag sa langyaw nga anaa sa inyong mga lungsod aron iya kining makaon o mahimong ibaligya ninyo kini sa langyaw kay kamo mga balaan man nga katawhan ngadto sa Ginoo nga inyong Dios. “Ayaw lutoa ang nating kanding diha sa gatas sa iyang inahan.

Deuteronomio 15:19

“Ihalad sa Ginoo nga imong Dios ang tanang mga kamagulangan nga laki sa imong mga baka ug sa imong mga karnero. Ayaw pagbuhat uban sa mga kamagulangan nga laki sa imong mga baka, o tupihan ang kamagulangan nga laki sa imong mga karnero.