Exodo 22:25

Ang Biblia 2011

“Kon magpahulam kamo ug salapi ngadto kang bisan kinsa sa akong katawhan nga kabos nga anaa uban kanimo, ayaw kamo pagpakasama sa mga tigpahulam ngadto kaniya ug ayaw gayod pangayo ug tubo gikan kaniya.

Cross References

2 Mga Hari 4:1

Unya ang asawa sa usa sa mga anak sa mga propeta mihilak ngadto kang Eliseo, “Ang imong sulugoon nga akong bana namatay ug ikaw nahibalo nga ang imong sulugoon mahadlokon sa Ginoo ug ang tigpautang ug salapi ania aron sa pagkuha sa akong duha ka anak aron himoon niyang ulipon.”

2 Mga Hari 4:7

Unya siya miadto ug gisuginlan ang tawo sa Dios, ug siya miingon, “Lakaw, ibaligya ang lana ug bayri ang imong utang ug ang mahibilin niini makabuhi na kanimo ug sa imong mga anak.”

Nehemias 5:7

Akong gitimbangtimbang sa akong kaugalingon ug akong gisudyaan ang mga kadagkoan ug ang mga tinugyanan. Miingon ako kanila, “Kamo nagkuha ug tubo, ang matag usa gikan sa iyang igsoon.” Ug ako nagpatawag ug usa ka dakong tigom batok kanila,

Salmo 15:5

wala magpahulam sa iyang salapi aron patuboan, ug wala magdawat ug suborno batok niadtong walay sala. Siya nga nagbuhat niining mga butanga dili gayod matarog.

Mga Panultihon 28:8

Kadtong nagpadaghan sa iyang bahandi pinaagi sa tubo ug usbaw nagtigom niini alang kaniya nga maayo ngadto sa kabos.

Jeremias 15:10

Alaot ako, inahan ko, nga imo akong gipanganak, usa ka tawo sa pagpakiglalis ug sa pagpakigbisog sa tibuok nga yuta! Ako wala magpahulam, o manghulam, apan silang tanan nagtunglo kanako.

Ezequiel 18:13

nagpatanto ug nagdawat ug tubo, mabuhi ba diay siya? Dili siya mabuhi. Siya nagbuhat niining tanan nga mga dulumtanan, siya mamatay gayod, ang iyang dugo anha kaniya.

Ezequiel 18:17

nagpugong sa iyang kamot gikan sa kasal-anan, wala magdawat ug patong o tubo, nagtuman sa akong mga tulumanon, naglakaw diha sa akong mga lagda, siya dili mamatay tungod sa kasal-anan sa iyang amahan, siya mabuhi gayod.

Ezequiel 18:7

wala manglupig kang bisan kinsa, kondili nag-uli sa garantiya ngadto sa nangutang, wala mangawat ug bisan unsa, naghatag sa iyang pan ngadto sa gigutom ug nagbisti sa mga hubo,

Ezequiel 18:8

wala magpahulam nga may patong o magdawat ug bisan unsa nga tubo, nagpugong sa iyang kamot gikan sa kasal-anan, nagbuhat sa matuod nga hustisya taliwala sa tawo ug tawo,

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Amos 2:8

sila nanghigda tupad sa matag halaran ibabaw sa mga bisti nga gitahan; ug diha sa balay sa ilang Dios sila nag-inom sa bino niadtong nakautang.

Mateo 25:27

Imo untang gidiposito sa bangko ang akong salapi ug unya sa akong pagpauli madawat unta nako ang unsay akoa nga may tubo.

Lucas 19:23

nganong wala man nimo idiposito ang akong salapi sa bangko, aron nga sa akong pag-uli makuha unta nako kini nga may tubo?

Deuteronomio 15:7

“Kon diha kaninyo adunay tawong kabos, usa sa inyong mga igsoon, diha sa bisan diin sa inyong mga lungsod sulod sa inyong yuta nga gihatag kaninyo sa Ginoo nga inyong Dios, ayaw pagahia ang inyong mga kasingkasing o kumkoma ang imong kamot gikan sa imong kabos nga igsoon,

Deuteronomio 24:13

Iuli kaniya ang garantiya sa dihang mosalop ang adlaw aron matulog siya sa iyang bisti ug magpanalangin kanimo. Ug kini mahimong pagkamatarong alang kanimo sa atubangan sa Ginoo nga imong Dios.