Exodo 22:23

Ang Biblia 2011

Kon pasipad-an ninyo sila unya magpakitabang sila kanako, pamation gayod nako ang ilang mga pagpakitabang.

Cross References

Job 34:28

nga tungod niana ilang gipadangat kaniya ang mga pagtuaw sa mga kabos, ug siya nakadungog sa mga agulo sa mga sinakit

Job 35:9

“Tungod sa gidaghanon sa pagpanglupig ang katawhan nagtuaw; sila nagsinggit ug pakitabang tungod sa bukton sa kusgan.

Salmo 10:14

Ikaw nakakita niini kay ikaw nagsud-ong sa kasamok ug kaguol, aron balosan kini pinaagi sa imong kamot; kanimo midangop ang kabos; ikaw mao ang magtatabang sa mga wala nay amahan.

Salmo 140:12

Nasayod ako nga ang Ginoo naglaban sa katungod sa mga sinakit, ug nagpahamtang sa hustisya alang sa mga nangkinahanglan.

Salmo 145:19

Siya magtuman sa tinguha sa tanan nga may kahadlok kaniya, siya usab mamati sa ilang pagtuaw ug magluwas kanila.

Salmo 18:6

Sa akong kagul-anan nagsangpit ako sa Ginoo; ngadto sa akong Dios nagpakitabang ako. Gikan sa iyang Templo, nadungog niya ang akong tingog, ug ang akong pagtuaw ngadto kaniya midangat sa iyang mga dalunggan.

Salmo 68:5

Amahan sa mga wala nay amahan ug tigpanalipod sa mga biyuda ang Dios nga anaa sa iyang balaang puluy-anan.

Exodo 22:27

kay mao lamang kini ang iyang igtatabon, mao kini ang iyang kupo alang sa iyang lawas. Unsa may lain nga iyang katulgan? Ug kon magpakitabang siya kanako, pamation nako siya kay maluluy-on man ako.

Mga Pagbangotan 5:3

Kami nahimong mga ilo, mga wala nay amahan; ang among mga inahan nahimong sama sa mga biyuda.

Lucas 18:7

Ug dili ba hatagan sa Dios ug hustisya ang iyang mga pinili nga nagpakitabang kaniya sa adlaw ug gabii? Maglangaylangay ba siya pagtabang kanila?

Deuteronomio 10:18

Siya nagbuhat ug matarong alang sa mga ilo ug sa biyuda ug nahigugma sa dumuduong, naghatag kaniya ug pagkaon ug bisti.

Deuteronomio 15:9

Pagbantay nga walay daotang hunahuna sa imong kasingkasing ug ikaw moingon, ‘Duol na ang ikapitong tuig, ang tuig sa pagpahigawas’ ug ang imong mata daotan batok sa imong kabos nga igsoon ug ikaw walay gihatag kaniya ug nagpakitabang siya sa Ginoo batok kanimo ug kini mahimong sala nimo.

Deuteronomio 24:15

Ihatag kaniya ang iyang suhol sa adlaw nga iya kining gihagoan sa dili pa mosalop ang adlaw kay siya kabos ug ang iyang kasingkasing nagsalig niini, kay tingali unya ug mosangpit siya sa Ginoo batok kanimo ug kini mahimong sala diha kanimo.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.