Exodo 22:22

Ang Biblia 2011

Ayaw ninyo pasipad-i si bisan kinsa nga biyuda o ilo.

Cross References

Job 31:16

“Kon ako naghikaw sa bisan unsa nga gitinguha sa mga kabos o naghimong pakyas sa mga mata sa biyuda,

Job 34:28

nga tungod niana ilang gipadangat kaniya ang mga pagtuaw sa mga kabos, ug siya nakadungog sa mga agulo sa mga sinakit

Salmo 10:14

Ikaw nakakita niini kay ikaw nagsud-ong sa kasamok ug kaguol, aron balosan kini pinaagi sa imong kamot; kanimo midangop ang kabos; ikaw mao ang magtatabang sa mga wala nay amahan.

Salmo 34:7

Ang anghel sa Ginoo maglibot niadtong may kahadlok kaniya, ug magluwas kanila.

Mga Panultihon 22:23

kay ang Ginoo maglaban sa ilang katungod, ug magkuha sa kinabuhi niadtong nangilog kanila.

Mga Panultihon 23:10

Ayaw balhina ang karaang utlanan sa yuta o mosulod sa kaumahan sa mga wala nay amahan;

Mga Panultihon 23:11

kay ang ilang Tigpanalipod lig-on; iyang labanan ang ilang katungod batok kanimo.

Isaias 1:17

tun-i ang pagbuhat ug maayo; pangitaa ang hustisya, badlonga ang pagpangdaogdaog, panalipdi ang wala nay amahan, labani ang biyuda.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 10:2

aron sa paghiklin sa nanginahanglan gikan sa hustisya, ug sa pagsakmit sa katungod sa mga kabos sa akong katawhan, aron ang mga biyuda mahimo nga ilang inilog, ug aron ang mga wala nay amahan mahimo nga ilang tukbonon!

Jeremias 7:6

kon kamo dili manaogdaog sa langyaw, sa mga wala nay amahan ug sa biyuda, o magpaagas ug dugo sa walay sala niining dapita, ug kon dili kamo magsunod sa laing mga dios alang sa inyong kaugalingong kadaotan,

Jeremias 7:7

papuy-on ko kamo niining dapita, sa yuta nga akong gihatag sa inyong mga katigulangan, hangtod sa kahangtoran.

Ezequiel 22:7

Diha kanimo gitamay nila ang amahan ug inahan, ang mga langyaw nag-antos sa pagpanapi kanila diha sa imong taliwala, ang mga wala nay amahan ug ang mga biyuda gibuhatan ug sayop diha kanimo.

Zacarias 7:10

Ayaw daogdaoga ang biyuda, ang wala nay amahan, ang dumuduong o ang kabos; ug walay bisan kinsa kaninyo nga maghunahuna ug daotan batok sa iyang igsoon sulod sa iyang kasingkasing.”

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Deuteronomio 10:18

Siya nagbuhat ug matarong alang sa mga ilo ug sa biyuda ug nahigugma sa dumuduong, naghatag kaniya ug pagkaon ug bisti.

Deuteronomio 15:9

Pagbantay nga walay daotang hunahuna sa imong kasingkasing ug ikaw moingon, ‘Duol na ang ikapitong tuig, ang tuig sa pagpahigawas’ ug ang imong mata daotan batok sa imong kabos nga igsoon ug ikaw walay gihatag kaniya ug nagpakitabang siya sa Ginoo batok kanimo ug kini mahimong sala nimo.

Deuteronomio 24:17

“Ayaw tuisa ang hustisya nga angay sa langyaw o sa mga wala nay amahan o kuhaon ang bisti sa biyuda ingon nga garantiya.

Deuteronomio 24:18

Apan kinahanglan nga imong hinumdoman nga naulipon ikaw didto sa Ehipto ug gikan didto gilukat ikaw sa Ginoo nga imong Dios. Busa nagsugo ako kanimo sa pagbuhat niini.

Deuteronomio 27:19

“ ‘Tinunglo ang magtuis sa hustisya nga alang sa langyaw, sa wala nay amahan ug sa biyuda!’ Ug ang tanang katawhan moingon, ‘Amen!’

Santiago 1:27

Ang relihiyon nga putli ug walay buling sa atubangan sa Dios nga atong Amahan mao kini: ang pagtabang sa mga ilo ug mga biyuda diha sa ilang kalisdanan ug ang pag-amping sa kaugalingon nga dili mabulingan sa kalibotan.