Exodo 22:19

Ang Biblia 2011

“Si bisan kinsa nga makighilawas sa mananap, kinahanglan nga patyon.

Cross References

2 Mga Hari 23:20

Ug iyang gipamatay ang tanan nga mga pari sa habog nga dapit nga didto sa mga halaran ug gisunog ang mga bukog sa mga tawo sa ibabaw nila. Unya mibalik siya ngadto sa Jerusalem.

2 Cronicas 15:13

Si bisan kinsa nga dili buot mangita sa Ginoo, ang Dios sa Israel, kinahanglang patyon, batan-on man o tigulang, lalaki man o babaye.

Exodo 20:3

“Ayaw pagbaton ug lain nga mga dios sa akong atubangan.

Exodo 34:15

kay tingali unya ug magbuhat kamo ug kasabotan uban sa mga nagpuyo sa yuta ug sa dihang makighilawas sila sa pagsimba sa ilang mga diosdios ug maghalad ug mga inihaw ngadto sa ilang mga diosdios ug usa kanila modapit kaninyo, mokaon unya kamo sa ilang halad,

Levitico 17:7

Busa dili na gayod sila maghalad sa ilang mga halad nga inihaw ngadto sa mga demonyong kanding aron paghimo ug maluibong pagsimba. Kini mahimong usa ka lagda hangtod sa kahangtoran alang kanila sa tanan nilang mga kaliwatan.

Levitico 18:23

Ayaw pakighilawas sa bisan unsa nga mananap ug maghugaw sa imong kaugalingon pinaagi niini, ug walay si bisan kinsa nga babaye maghatag sa iyang kaugalingon ngadto sa mananap aron sa pagpakighilawas niini. Kini hilabihan ka daotan.

Levitico 18:25

Ang yuta nahugawan busa ako nagsilot sa kalapasan niini, ug ang yuta misuka sa mga nagpuyo niini.

Numeros 25:1

Unya samtang ang Israel mipuyo sa Sitim, ang katawhan misugod sa pagpakighilawas uban sa mga anak nga babaye ni Moab.

Deuteronomio 13:16

Ug tigoma ang tanang inilog nga butang ngadto sa kinataliwad-an sa iyang dalan ug sunoga sa kalayo ang siyudad ug ang tanang inilog nga butang ingon nga tinibuok nga halad nga sinunog ngadto sa Ginoo nga inyong Dios. Kini magpabilin nga tinapok hangtod sa kahangtoran ug dili na tukoron pag-usab.

Deuteronomio 13:2

ug mahitabo ang ilhanan o ang usa ka katingalahan nga iyang gisulti kaninyo, ug kon siya moingon, ‘Mosunod kita sa laing mga dios,’ nga wala pa ninyo mailhi, ug ‘mag-alagad kita kanila,’

Deuteronomio 17:2

“Kon adunay makit-an diha kaninyo, sa sulod sa bisan diin sa inyong mga lungsod nga gihatag kaninyo sa Ginoo nga inyong Dios, lalaki o babaye nga nagbuhat ug daotan diha sa panan-aw sa Ginoo nga inyong Dios, pinaagi sa paglapas sa iyang kasabotan,

Deuteronomio 17:5

ang lalaki o ang babaye nga nagbuhat niining daotan nga butang dad-a ngadto sa inyong mga ganghaan ug batoa ang lalaki o ang babaye, hangtod nga mamatay.

Deuteronomio 27:21

“ ‘Tinunglo ang makighilawas sa bisan unsang mananap.’ Ug ang tanang katawhan moingon, ‘Amen!’