Exodo 22:17

Ang Biblia 2011

Kon ang amahan sa babaye magdumili gayod sa paghatag kaniya ngadto sa lalaki, kinahanglan nga mobayad ang lalaki sa bili nga tukma sa bugay alang sa mga ulay.

Cross References

Genesis 23:16

Unya si Abraham miuyon kang Efron ug gitimbangan ni Abraham si Efron sa plata nga iyang giingon diha sa pangdungog sa mga Hitihanon, upat ka gatos ka siklo nga plata, sumala sa timbang nga gigamit sa mga tigpatigayon niadtong panahona.

Genesis 30:20

Unya si Lea miingon, “Ang Dios naghatag kanako ug usa ka maayong bugay. Karon motipon kanako ang akong bana kay nanganak ako alang kaniya ug unom ka anak nga lalaki.” Busa ginganlan niya siya ug Zabulon.

Genesis 34:12

Pun-i pa ninyo pagpangayo ug daghang bugay ug mga gasa ug ako mohatag sumala sa inyong ibungat kanako, ihatag lamang ninyo kanako ang dalaga aron akong maasawa.”

Levitico 20:6

“Kon ang usa ka tawo modangop ngadto sa mga tigpakisayod sa espiritu o sa mga tigsalamangka aron sa paghugawhugaw sunod kanila, ako makigbatok nianang tawhana ug ipahimulag siya gikan sa taliwala sa iyang katawhan.

Deuteronomio 18:10

Kinahanglang walay makita diha kaninyo nga magsunog sa iyang anak nga lalaki o anak nga babaye ingon nga halad, bisan kinsa nga tigpanagna, usa ka tigpanghimalad o anting-antingan o tigsalamangka

Deuteronomio 22:29

ang lalaki nga nakighilawas kaniya mohatag sa amahan sa batan-ong babaye ug 50 ka siklo nga plata ug siya mahimo niyang asawa kay gipanamastamasan niya siya. Dili niya siya isalikway sa tanan niyang mga adlaw.

1 Samuel 18:25

Unya si Saul miingon, “Kini mao ang isulti ninyo kang David, ‘Ang hari wala magkinahanglan sa bisan unsang bugay, kondili usa ka gatos ka yamis sa mga Filistihanon, aron iyang panimaslan ang mga kaaway sa hari.’ ” Kay si Saul naghunahuna nga mahulog si David sa kamot sa mga Filistihanon.

1 Samuel 28:3

Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.