Exodo 22:14

Ang Biblia 2011

“Kon ang usa ka tawo manghulam ug hayop sa iyang isigkatawo, unya naangol kini o mamatay, ug ang tag-iya niini wala diha, kinahanglan nga siya mobayad gayod.

Cross References

Nehemias 5:4

Aduna didtoy miingon, “Kami nanghulam ug salapi aron ibuhis sa hari tungod sa among kaumahan ug sa among kaparasan.

Salmo 37:21

Ang daotan mangutang ug dili mobayad, apan ang matarong maluluy-on ug manghatag.

Exodo 21:34

ang tag-iya sa gahong kinahanglan nga mobayad sa kadaot. Kinahanglang maghatag siya ug salapi sa tag-iya niini ug ang namatay nga mananap maiya.

Exodo 22:11

ang panumpa sa Ginoo magpataliwala kanilang duha aron sa pagsuta kon wala ba gayod siya manghilabot sa bahandi sa iyang isigkatawo, ug ang tag-iya modawat sa panumpa, ug ang nagbantay dili kinahanglang mobayad.

Exodo 22:13

Kon nakuniskunis kini sa mga mananap, kinahanglang dad-on kini niya ingon nga kamatuoran ug dili siya pabayaron sa unsay nakuniskunis.

Exodo 22:15

Kon ang tag-iya niini diha, ang nanghulam dili pabayaron. Kon kini inabangan, ang kadaot mataplan sa abang.

Levitico 24:18

Ang makapatay ug usa ka hayop, mag-ilis niini, kinabuhi sa kinabuhi.

Mateo 5:42

Hatagi ang nagpakilimos kanimo ug ayaw balibari ang buot mohulam kanimo.

Lucas 6:35

Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.

Deuteronomio 15:2

Ug kini mao ang paagi sa pagpagawas: ang matag usa ka tigpautang magpagawas sa iyang gipautang ngadto sa iyang isigkatawo; dili na niya paninglon kini gikan sa iyang isigkatawo ug sa iyang igsoon tungod kay ang kagawasan sa Ginoo gikapahibalo na.