Exodo 21:20

Ang Biblia 2011

“Kon ang usa ka tawo magdagmal sa iyang ulipon nga lalaki o sa iyang ulipon nga babaye pinaagi sa bunal ug ang ulipon mamatay diha sa iyang mga kamot, kinahanglan nga silotan siya.

Cross References

Genesis 4:15

Ug ang Ginoo miingon kaniya, “Dili kana mahitabo! Si bisan kinsa nga mopatay kang Cain panimaslan ug pito ka pilo.” Ug gibutangan sa Ginoo ug patik si Cain aron siya dili patyon ni bisan kinsa nga makakita kaniya.

Genesis 4:24

Kon si Cain ipanimalos ug pito ka pilo, si Lamec 77 ka pilo.”

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Exodo 21:19

unya kon makatindog na siya ug makalakaw sa gawas nga magsungkod, ang nakasamad kaniya makalingkawas, apan magbayad siya sa panahon nga nausik ug patambalan niya hangtod nga maayo kini.

Exodo 21:21

Apan kon ang ulipon mabuhi sa usa o duha ka adlaw, dili siya silotan kay ang ulipon iyang katigayonan.

Mga Panultihon 29:19

Ang usa ka sulugoon dili mapanton pinaagi sa mga pulong lamang, kay bisan pa kon makasabot siya, dili siya mamati.

Numeros 35:19

Ang manimalos sa dugo mao gayod ang mopatay sa mamumuno; sa diha nga ikatagbo niya ang mamumuno, patyon niya kini.

Roma 13:4

kay siya alagad sa Dios alang sa imong kaayohan. Apan kon daotan ang imong buhat, angay ikaw nga mahadlok, kay dili kawang ang iyang pagdala ug espada. Siya mao ang alagad sa Dios aron pagpahamtang sa iyang kapungot kanila nga nagbuhat ug daotan.

Deuteronomio 19:21

Ug ang inyong mata dili maluoy, ang kinabuhi bayran ug kinabuhi, ang mata bayran ug mata, ang ngipon bayran ug ngipon, ang kamot bayran ug kamot, ang tiil bayran ug tiil.