Exodo 21:13

Ang Biblia 2011

Apan kon wala niya kini atangi ug ang Dios mao ang nagtugyan sa tawo ngadto sa iyang kamot, magtudlo ako kanimo ug dapit nga iyang kadangpan.

Cross References

2 Samuel 16:10

Apan ang hari miingon, “Unsay akong labot kaninyo, kamong mga anak ni Zeruia? Kon siya nanunglo tungod kay ang Ginoo miingon kaniya, ‘Tungloha si David,’ kinsa man unya ang moingon, ‘Nganong gibuhat man nimo kini?’ ”

Isaias 10:7

Apan siya wala magtinguha sa ingon, o ang iyang kasingkasing maghunahuna sa ingon, kondili anaa sa iyang kasingkasing ang paglumpag ug ang paglaglag sa mga nasod nga dili diyotay;

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Numeros 35:6

Ang mga siyudad nga inyong ihatag ngadto sa mga Levihanon, unom ka siyudad nga dalangpanan, nga inyong padangpan niadtong nakapatay sa iyang isigkatawo, ug dugang pa niana, ihatag ninyo ang 42 ka siyudad.

Deuteronomio 19:14

“Ayaw balhina ang utlanan sa imong isigkatawo nga gibutang sa mga tawo sa unang panahon sa panulundon nga imong kuptan sa yuta nga gihatag kanimo sa Ginoo nga imong Dios aron panag-iyahon kini.

Josue 20:1

Unya ang Ginoo miingon kang Josue,

1 Samuel 24:10

Niining adlawa ang imong mata nakakita kon giunsa sa Ginoo pagtugyan kanimo sa akong kamot didto sa langob, ug ang uban nag-awhag kanako sa pagpatay kanimo, apan ako nagpalingkawas kanimo ug ako miingon, ‘Dili nako bakyawon ang akong kamot batok sa akong agalon kay siya mao ang dinihogan sa Ginoo.’

1 Samuel 24:18

Ug ikaw nagpadayag niining adlawa kon unsa ang pagkamaayo nimo kanako, nga sa ingon wala nimo ako patya sa diha nga ang Ginoo nagtugyan kanako nganha sa imong kamot.

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.