Exodo 20:25

Ang Biblia 2011

Ug kon maghimo kamo alang kanako ug usa ka halaran nga bato, ayaw kini himoa gikan sa mga bato nga sinapsapan kay kon magbakyaw kamo sa inyong galamiton ibabaw niini, gihugawan ninyo kini.

Cross References

1 Mga Hari 6:7

Sa dihang gitukod na ang balay, ang mga bato nga gigamit, sinapsapan nang daan didto sa gikuhaan niini busa walay martilyo o wasay o bisan unsang kasangkapan nga puthaw nga nadunggan sulod sa balay samtang kini gitukod.

Exodo 20:24

Paghimo kamo ug usa ka halaran nga yuta alang kanako, ug ihalad sa ibabaw niini ang inyong mga halad nga sunogon ug ang inyong mga halad sa pakigdait, ang inyong mga karnero, ug ang inyong mga baka. Sa bisan diing dapit diin himoon nako nga mahinumdoman ang akong ngalan, moanha ako kaninyo, ug panalanginan ko kamo.

Exodo 24:4

Ug gisulat ni Moises ang tanang pulong sa Ginoo. Misayo siya pagbangon sa pagkabuntag ug nagtukod ug usa ka halaran didto sa tiilan sa bukid, ug nagpabarog ug napulo ug duha ka haliging bato, sumala sa napulo ug duha ka banay sa Israel.

Ezequiel 40:42

Ug may upat ka lamisa nga sinapsapan nga bato alang sa halad nga sunogon, usa ka maniko ug tunga ang gitas-on ug usa ka maniko ug tunga ang gilapdon ug usa ka maniko ang gihabogon. Adto nila ibutang ang ilang mga galamiton sa pag-ihaw nila sa halad nga sunogon ug sa halad nga inihaw.

Josue 8:31

Sumala sa gisugo ni Moises nga alagad sa Ginoo, ngadto sa katawhan sa Israel, sumala sa gisulat sa basahon sa Balaod ni Moises, “usa ka halaran sa mga bato nga dili sinapsapan, nga niini walay tawo nga migamit ug mga kahimanang puthaw”, ug sa ibabaw niini naghalad sila ug mga halad nga sunogon ngadto sa Ginoo ug naghalad ug mga halad sa pakigdait.