Exodo 20:24

Ang Biblia 2011

Paghimo kamo ug usa ka halaran nga yuta alang kanako, ug ihalad sa ibabaw niini ang inyong mga halad nga sunogon ug ang inyong mga halad sa pakigdait, ang inyong mga karnero, ug ang inyong mga baka. Sa bisan diing dapit diin himoon nako nga mahinumdoman ang akong ngalan, moanha ako kaninyo, ug panalanginan ko kamo.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

2 Samuel 6:12

Ug kini gisugilon ngadto kang Hari David, “Ang Ginoo nagpanalangin sa balay ni Obed-edom ug sa tanan nga iya tungod sa sudlanan sa kasabotan sa Dios.” Busa si David miadto ug gidala ang sudlanan sa kasabotan sa Dios gikan sa balay ni Obed-edom ngadto sa siyudad ni David uban ang kalipay.

1 Mga Hari 8:29

aron ang imong mga mata mabuka unta sa adlaw ug sa gabii nganhi niining balaya, ang dapit nga imong giingon, ‘Ang akong ngalan atua didto,’ aron mamati ikaw sa pag-ampo nga gihalad sa imong sulugoon nganhi niining dapita.

1 Mga Hari 8:43

pamatia diha sa langit nga imong puluy-anan ug buhata sumala sa tanang mga pagtawag sa langyaw kanimo, aron ang tanang katawhan sa kalibotan makaila sa imong ngalan ug magmahadlokon kanimo, sama sa imong katawhan nga Israel, ug nga sila mahibalo nga kining balay nga akong gitukod gitawag pinaagi sa imong ngalan.

1 Mga Hari 9:3

Ang Ginoo miingon kaniya, “Gidungog nako ang imong pag-ampo ug ang imong pangamuyo nga imong gihimo sa akong atubangan, gibalaan na nako kining maong balay nga imong gitukod ug gibutang didto ang akong ngalan hangtod sa kahangtoran. Ang akong mga mata ug ang akong kasingkasing atua didto kanunay.

2 Mga Hari 5:17

Unya si Naaman miingon, “Kon dili, ako naghangyo kanimo, hatagi ang imong sulugoon ug yuta nga makarga sa duha ka mula, kay gikan karon, ang imong sulugoon dili na maghalad ug halad nga sunogon o inihaw ngadto sa laing mga dios, kondili sa Ginoo.

2 Cronicas 12:13

Busa si Hari Rehoboam naglig-on sa iyang kaugalingon didto sa Jerusalem, ug naghari. Si Rehoboam 41 ka tuig ang panuigon sa dihang nagsugod siya sa paghari ug siya naghari sulod sa napulo ug pito ka tuig didto sa Jerusalem, ang siyudad nga gipili sa Ginoo gikan sa tanang mga banay sa Israel aron ibutang ang iyang ngalan didto. Ang ngalan sa iyang inahan mao si Naama nga Amonihanon.

2 Cronicas 6:6

apan gipili nako ang Jerusalem aron ang akong ngalan maatua didto ug akong gipili si David aron magdumala sa akong katawhan nga Israel.’

2 Cronicas 7:16

Kay karon akong gipili ug gibalaan kining balaya, aron ang akong ngalan maatua didto hangtod sa kahangtoran, ang akong mga mata ug ang akong kasingkasing maatua didto sa tanang panahon.

Esdras 6:12

Pukanon unta sa Dios nga nagpabutang sa iyang ngalan didto si bisan kinsa nga hari o katawhan nga magbutang sa ilang kamot aron sa pag-usab niini o aron sa paggun-ob niining balay sa Dios nga anaa sa Jerusalem. Ako si Dario naghimo ug usa ka sugo; ipatuman kini uban sa tibuok nga pagpaningkamot.”

Nehemias 1:9

apan kon kamo mobalik kanako ug magtuman sa akong mga sugo ug magbuhat niini, bisan pa ug ang inyong mga nagkatibulaag atua sa labing layo nga dapit, tigomon nako sila gikan didto ug dad-on ngadto sa dapit nga akong gipili aron papuy-on ang akong ngalan didto.’

Salmo 101:2

Magkinabuhi ako subay sa dalan nga hingpit. O kanus-a ba ikaw moanhi kanako? Magkinabuhi ako diha sa hingpit nga kasingkasing sulod sa akong balay.

Salmo 122:2

Ang among mga tiil nagtindog sulod sa imong mga ganghaan, O Jerusalem!

Salmo 128:5

Ang Ginoo magpanalangin kanimo gikan sa Zion! Makita unta nimo ang kauswagan sa Jerusalem sa tanang mga adlaw sa imong kinabuhi!

Salmo 134:3

Hinaot nga ang Ginoo magpanalangin kaninyo gikan sa Zion, siya nga nagbuhat sa langit ug sa yuta!

Salmo 74:7

Ilang gisunog sa kalayo ang imong balaang puluy-anan; ilang gipasipad-an ang dapit nga puluy-anan sa imong ngalan, gipukan kini ngadto sa yuta.

Salmo 76:2

Ang iyang balay anaa sa Salem, ang iyang puluy-anan anaa sa Zion.

Salmo 78:68

apan gipili niya ang banay ni Juda, ang bukid sa Zion nga iyang gihigugma.

Exodo 10:25

Apan si Moises mitubag, “Ikaw kinahanglan usab nga magtugot kanamo sa paghalad ug halad nga inihaw, ug mga halad nga sunogon aron kami makahalad ngadto sa Ginoo nga among Dios.

Exodo 18:12

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Exodo 20:25

Ug kon maghimo kamo alang kanako ug usa ka halaran nga bato, ayaw kini himoa gikan sa mga bato nga sinapsapan kay kon magbakyaw kamo sa inyong galamiton ibabaw niini, gihugawan ninyo kini.

Exodo 24:4

Ug gisulat ni Moises ang tanang pulong sa Ginoo. Misayo siya pagbangon sa pagkabuntag ug nagtukod ug usa ka halaran didto sa tiilan sa bukid, ug nagpabarog ug napulo ug duha ka haliging bato, sumala sa napulo ug duha ka banay sa Israel.

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Exodo 27:1

“Kinahanglan nga magbuhat ikaw ug halaran gikan sa kahoy nga akasya nga lima ka maniko ang gitas-on ug lima ka maniko ang gilapdon. Ang halaran kinahanglan nga kwadrado ug ang gihabogon niini tulo ka maniko.

Isaias 64:5

Gitagbo nimo siya nga naglipay ug nagbuhat sa pagkamatarong, kadtong mga nahinumdom kanimo sa imong mga pamaagi. Tan-awa, ikaw nasuko ug kami nagpakasala; sa dihang ikaw nagtago sa imong nawong, kami nagbuhat ug daotan.

Levitico 17:9

ug dili niya kini dad-on ngadto sa pultahan sa tolda nga tagboanan aron sa paghalad niini alang sa Ginoo, kadtong tawhana ipahimulag gikan sa iyang katawhan.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Mateo 18:20

Kay diin may duha o tulo nga nagkatigom sa akong ngalan, anaa ako sa ilang taliwala.”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:21

Kon layo kanimo ang dapit nga pilion sa Ginoo nga inyong Dios aron butangan sa iyang ngalan, pag-ihaw sa inyong mga baka ug sa inyong mga karnero nga gihatag sa Ginoo kaninyo, sumala sa akong gisugo kaninyo ug makakaon kamo sulod sa inyong mga lungsod kutob sa inyong gitinguha.

Deuteronomio 12:5

Apan pangitaa ang dapit nga pilion sa Ginoo nga inyong Dios gikan sa tanan ninyong mga banay aron butangan ninyo sa iyang ngalan ug maghimo sa iyang puluy-anan didto.

Deuteronomio 14:23

Ug sa atubangan sa Ginoo nga inyong Dios, sa dapit nga iyang pilion aron papuy-on didto ang iyang ngalan, kaona ninyo ang ikapulo sa inyong abot, sa inyong bino ug sa inyong lana ug ang mga kamagulangan sa inyong mga baka ug sa inyong mga karnero, aron makakat-on kamo sa pagkahadlok kanunay sa Ginoo nga inyong Dios.

Deuteronomio 16:11

Ug paglipay kamo sa atubangan sa Ginoo nga inyong Dios, kamo ug ang inyong anak nga lalaki ug ang inyong anak nga babaye, ang inyong ulipon nga lalaki ug ang inyong ulipon nga babaye, ang Levihanon nga anaa sa inyong mga lungsod, ug ang langyaw, ug ang wala nay amahan ug ang biyuda nga anaa uban kaninyo, didto sa dapit nga pilion sa Ginoo nga inyong Dios aron papuy-an sa iyang ngalan.

Deuteronomio 26:2

pagkuha kamo sa una sa tanang bunga sa yuta nga inyong makuha gikan sa inyong yuta nga gihatag kaninyo sa Ginoo nga inyong Dios ug ibutang ninyo kini sa usa ka bukag ug pangadto kamo sa dapit nga pilion sa Ginoo nga inyong Dios aron papuy-on niya didto ang iyang ngalan.

Deuteronomio 7:13

Siya mahigugma kaninyo, ug magpanalangin kaninyo ug magpadaghan kaninyo. Magpanalangin usab siya sa bunga sa inyong lawas ug sa bunga sa inyong yuta, sa inyong trigo ug sa inyong bino ug sa inyong lana, sa nadugang sa inyong mga kahayopan ug sa mga nati sa panon sa inyong karnero didto sa yuta nga gipanumpa niya sa inyong katigulangan nga ihatag kaninyo.

1 Timoteo 2:8

Busa gitinguha nako nga sa tanang dapit ang mga lalaki mag-ampo nga magbayaw ug mga kamot nga balaan nga walay kasuko o pakiglalis.