Exodo 20:17

Ang Biblia 2011

“Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

Cross References

Genesis 14:23

nga ako dili mokuha bisan sa usa ka lugas nga hilo o liston sa usa ka sandalyas o sa tanan nga imo, aron ikaw dili makaingon, ‘Ako nagpadato kang Abram.’

Genesis 3:6

Ug sa dihang nakita sa babaye nga ang kahoy maayong kaonon ug nga kini makalipay sa mga mata ug nga ang kahoy angay nga tinguhaon aron mahimong maalamon, mikuha siya sa bunga niini ug mikaon. Ug gihatagan niya ang iyang bana nga uban kaniya ug mikaon siya.

Genesis 34:23

Dili ba ang ilang kahayopan ug ang ilang bahandi ug ang tanan nilang mananap maato man? Mouyon lamang kita kanila ug magpuyo sila uban kanato.”

Job 31:1

“Ako naghimo ug pakigsaad uban sa akong mga mata; unsaon man nako pagsud-ong sa usa ka ulay?

Job 31:9

“Kon ang akong kasingkasing nadani sa usa ka babaye, ug ako naghulat diha sa pultahan sa akong silingan,

Salmo 10:3

Kay ang daotan nagpasigarbo sa mga pangandoy sa iyang kasingkasing ug ang tawong hakog nagtunglo ug nagsalikway sa Ginoo.

Salmo 119:36

Ipaduol ang akong kasingkasing ngadto sa imong mga pagpamatuod, ug dili ngadto sa pagpausbaw sa kaugalingon.

Mga Panultihon 4:23

Himoa ang imong kasingkasing nga mabinantayon kanunay; kay gikan niini nag-agas ang mga tubod sa kinabuhi.

Mga Panultihon 6:29

Mao usab siya nga mosulod ngadto sa asawa sa iyang silingan; walay usa nga manghilabot kaniya nga dili silotan.

Ecclesiastes 4:8

usa ka tawo nga nag-inusara, walay anak o igsoon, apan walay kataposan ang tanan niyang paghago, ug ang iyang mga mata wala gayod matagbaw sa mga bahandi, mao nga siya mangutana, “Alang kang kinsa ako naghago ug naghikaw sa akong kaugalingon sa kalipay?” Kini usab kakawangan ug usa ka makasusubo nga buluhaton.

Isaias 33:15

Siya nga naglakaw nga matarong ug nagsulti nga ligdong, nga nagtamay sa ganansiya gikan sa mga pagpanglupig, nga nagsawilik sa iyang mga kamot aron dili modawat ug suborno, nga nagsampong sa iyang mga dalunggan gikan sa pagpamati mahitungod sa pagpaagas ug dugo, ug nagpiyong sa iyang mga mata gikan sa pagtan-aw sa daotan,

Isaias 57:17

Tungod sa kasal-anan sa iyang kahakog ako nasuko, ako naghampak kaniya, gitagoan nako ang akong nawong ug nasuko; apan siya mipadayon pagbalik diha sa pamaagi sa iyang kaugalingong kasingkasing.

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Jeremias 5:8

Sila mga maayong pagkagalam nga mga laking kabayo nga higal, ang matag usa nagbahihi alang sa asawa sa iyang silingan.

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Miqueas 2:2

Gikaibgan nila ang mga kaumahan ug giilog kini; ug ang mga balay ug gisakmit kini; ilang gidaogdaog ang usa ka tawo ug giilog ang iyang balay, ang tawo ug ang iyang panulundon.

Habacuc 2:9

“Alaot kadtong nagpaganansiya sa daotang pamaagi alang sa iyang balay, aron magpahimutang sa iyang salag sa itaas, aron malingkawas siya gikan sa kadaot!”

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Mateo 5:28

Apan sultihan ko kamo nga ang tanan nga motan-aw ug babaye uban ang kaulag, nakapanapaw na kaniya diha sa sulod sa iyang kasingkasing.

Lucas 12:15

Ug siya miingon kanila, “Pagbantay kamo ug likayi ninyo ang tanang kahakog, kay ang kinabuhi sa tawo wala diha sa kadaghan sa iyang mga katigayonan.”

Lucas 16:14

Ug ang mga Pariseo nga mga mahigugmaon sa salapi, nakadungog niining tanan ug sila mibugalbugal kaniya.

Mga Buhat 20:33

Wala ako maibog sa plata o bulawan o bisti ni bisan kinsa.

Mga Buhat 5:4

Sa wala pa kini ikabaligya, dili ba imo man kining kaugalingon? Ug human kini ikabaligya, dili ba imo man ang pagbuot niini? Naunsa ba nga nasulod man sa imong kasingkasing kining buhata? Wala ikaw mamakak sa tawo kondili sa Dios.”

Roma 13:9

Tungod niini, “Dili ka manapaw; Dili ka magpatay; Dili ka mangawat; Dili ka mangibog,” ug ang bisan unsa pa nga sugo, nalangkob niining mga pulonga nga nag-ingon, “Higugmaa ang imong isigkatawo sama sa imong kaugalingon.”

Roma 7:7

Busa unsa may atong isulti? Nga ang Balaod sala? Dili gayod! Gani, kon wala pa ang Balaod, dili unta ako makaila sa sala. Dili unta ako makaila unsay pangibog kon ang Balaod wala pa mag-ingon, “Dili ka mangibog.”

1 Mga Taga-Corinto 6:10

o mga kawatan o mga hakog o mga palahubog o mga tigpasipala o mga tulisan nga makapanunod sa gingharian sa Dios.

Mga Taga-Efeso 5:3

Apan ang salawayong pakighilawas ug ang tanang kahugaw o kahakog, kinahanglan nga dili gani mahisgotan diha kaninyo kay dili man kini angay sa mga balaan,

Mga Taga-Efeso 5:5

Kay nasayod kamo niini, nga ang tanang makihilawason o hugaw o hakog, nga sa ato pa, tigsimba ug mga diosdios, walay mapanunod sa gingharian ni Cristo ug sa Dios.

Deuteronomio 5:21

“ ‘Ayaw usab kamo kaibog sa asawa sa inyong isigkatawo ug ayaw tinguhaa ang pag-angkon sa balay sa inyong isigkatawo o sa iyang yuta o sa iyang sulugoong lalaki o sa iyang sulugoong babaye o sa iyang baka o sa iyang asno o sa bisan unsang butang nga iya sa inyong isigkatawo.’

Deuteronomio 7:25

Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.

Mga Taga-Filipos 3:19

Ang ilang dangatan mao ang kalaglagan, ang ilang dios mao ang tiyan, ug ang ilang himaya diha sa ilang kaulawan, ang ilang mga hunahuna anaa sa mga yutan-ong butang.

Mga Taga-Colosas 3:5

Busa patya ninyo ang unsay yutan-on diha sa sulod ninyo: salawayong pakighilawas, kahugaw, unodnong kaibog, daotang tinguha, ug ang kahakog nga maoy pagsimba ug mga diosdios.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Josue 7:21

Sa akong pagkakita, uban sa mga nangaguba, sa usa ka matahom nga kupo gikan sa Sinar ug duha ka gatos ka siklo nga plata ug usa ka barita nga bulawan nga 50 ka siklo ang gibug-aton, naibog ako niini ug akong gikuha. Ug ania, akong gilubong sa yuta sulod sa akong tolda uban sa plata nga anaa sa ilalom.”

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 15:19

Nganong wala man nimo tumana ang tingog sa Ginoo? Nganong midali man ikaw pagkuha sa inilog ug naghimo ug daotan diha sa panan-aw sa Ginoo?”