Exodo 20:12

Ang Biblia 2011

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

Cross References

Genesis 48:12

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

Genesis 50:12

Ug gibuhat sa iyang mga anak nga lalaki alang kaniya ang iyang gisugo kanila.

1 Mga Hari 2:19

Busa si Batseba miadto kang Hari Solomon aron sa pagpakigsulti kaniya alang kang Adonias. Ug ang hari mitindog aron sa pagsugat kang Batseba ug miyukbo kaniya. Unya milingkod siya sa iyang trono, ug gipahimutang ang usa ka lingkoranan nga gidala alang sa inahan sa hari ug siya milingkod dapit sa iyang tuo.

2 Mga Hari 2:12

Ug si Eliseo nakakita niini ug siya misinggit, “Akong amahan, akong amahan! Ang mga karwahi sa Israel ug ang mga nagkabayo niini!” Ug siya wala na makakita kaniya. Iyang gikuptan ang iyang kaugalingong mga bisti ug gigisi kini niya sa duha ka bahin.

Exodo 21:15

“Si bisan kinsa nga modagmal sa iyang amahan o sa iyang inahan kinahanglan nga patyon.

Exodo 21:17

“Si bisan kinsa nga magtunglo sa iyang amahan o sa iyang inahan, kinahanglan nga patyon.

Mga Panultihon 15:5

Ang usa ka buangbuang magtamay sa pahimangno sa iyang amahan, apan siya nga nagtagad sa pagbadlong maalamon.

Mga Panultihon 17:6

Ang mga apo maoy purongpurong sa mga tigulang, ug ang himaya sa mga anak mao ang ilang mga amahan.

Mga Panultihon 20:20

Kon ang usa ka tawo magtunglo sa iyang amahan o sa iyang inahan, ang iyang suga palongon diha sa hingpit nga kangitngit.

Mga Panultihon 28:24

Siya nga nangawat sa iyang amahan o sa iyang inahan ug moingon, “Dili kana kalapasan,” kauban sa tawo nga tigpangguba.

Mga Panultihon 3:16

Ang taas nga mga adlaw anaa sa iyang tuo nga kamot; diha sa iyang wala nga kamot anaa ang mga bahandi ug kadungganan.

Mga Panultihon 30:11

Adunay magtunglo sa ilang mga amahan ug dili magpanalangin sa ilang mga inahan.

Mga Panultihon 30:17

Ang mata nga nagyubit sa usa ka amahan ug nagtamay sa pagtuman sa usa ka inahan dagiton sa mga uwak sa walog ug kan-on sa mga agila.

Jeremias 35:18

Apan ngadto sa balay sa mga Rekabhanon, si Jeremias miingon, “Mao kini ang giingon sa Ginoo sa mga panon, ang Dios sa Israel: Tungod kay nagtuman kamo sa sugo ni Jonadab nga inyong amahan, ug nagtuman sa tanan niyang mga tulumanon ug nagbuhat sa tanan niyang gisugo kaninyo,

Jeremias 35:7

ayaw kamo pagtukod ug balay; ayaw kamo pagpugas ug mga liso; ayaw kamo pagtanom o magbaton ug kaparasan; apan pamuyo kamo diha sa mga tolda sa tanan ninyong mga adlaw aron kamo magpuyo sa daghang mga adlaw sa yuta diin kamo mga dumuduong.’

Ezequiel 22:7

Diha kanimo gitamay nila ang amahan ug inahan, ang mga langyaw nag-antos sa pagpanapi kanila diha sa imong taliwala, ang mga wala nay amahan ug ang mga biyuda gibuhatan ug sayop diha kanimo.

Levitico 19:3

Kamong tanan kinahanglang magtahod sa iyang inahan ug sa iyang amahan ug tumana ang akong mga adlaw nga igpapahulay. Ako mao ang Ginoo nga inyong Dios.

Levitico 19:32

“Tindog sa atubangan sa ubanon ug ulo, ug tahora ang nawong sa tawo nga tigulang, ug kahadloki ang imong Dios. Ako mao ang Ginoo.

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Mateo 19:19

Pasidunggi ang imong amahan ug inahan, ug Higugmaa ang imong silingan sama sa imong kaugalingon.”

Marcos 10:19

Nahibalo ikaw sa kasugoan: ‘Ayaw panapaw, Ayaw pangawat, Ayaw pagsaksi ug bakak, Ayaw panikas, Tahora ang imong amahan ug inahan.’ ”

Marcos 7:10

Kay si Moises nag-ingon, ‘Tahora ang imong amahan ug ang imong inahan’, ug, ‘Ang magsulti ug daotan batok sa iyang amahan o inahan, kinahanglan gayong patyon.’

Lucas 18:20

Ikaw nahibalo sa mga sugo: ‘Ayaw panapaw, Ayaw pagpatay, Ayaw pangawat, Ayaw pagsaksi ug bakak, Tahora ang imong amahan ug inahan.’ ”

Mga Taga-Efeso 5:21

Magpasakop kamo nga masinugtanon sa usa ug usa ingon nga nagtahod kang Cristo.

Deuteronomio 11:8

“Busa tumana ninyo ang tanang sugo nga akong gisugo kaninyo niining adlawa, aron mahimo kamong kusgan ug mosulod kamo ug manag-iya sa yuta nga inyong adtoan aron panag-iyahon kini,

Deuteronomio 11:9

ug aron motaas ang inyong pagkinabuhi dinhi sa yuta nga gipanumpa sa Ginoo ngadto sa inyong katigulangan nga iyang ihatag kanila ug sa ilang kaliwatan, yuta diin nag-agas ang gatas ug dugos.

Deuteronomio 21:18

“Kon ang usa ka tawo adunay anak nga lalaki nga gahi ug ulo ug masupilon, nga dili motuman sa tingog sa iyang amahan o sa tingog sa iyang inahan ug bisan ilang gipanton siya dili siya mamati kanila,

Deuteronomio 25:15

Pagbaton ug timbangan nga tukma ug matarong, tukma ug matarong gayod ang batoni aron lugwayan ang imong mga adlaw sa yuta nga gihatag kanimo sa Ginoo nga imong Dios.

Deuteronomio 27:16

“ ‘Tinunglo ang dili motahod sa iyang amahan o sa iyang inahan!’ Ug ang tanang katawhan moingon, ‘Amen!’

Deuteronomio 32:47

Kay kini dili butang nga walay pulos alang kaninyo apan kini mao ang inyong kinabuhi ug tungod niini mabuhi kamo ug dugay didto sa yuta nga inyong adtoan diin motabok kamo sa Jordan aron sa pagpanag-iya niini.”

Deuteronomio 4:26

tawgon nako ang langit ug ang yuta aron sa pagsaksi batok kaninyo niining adlawa, nga mangahanaw gayod kamo dayon gikan sa yuta nga inyong tabokon sa Jordan aron sa pagpanag-iya niini. Dili kamo makapuyo niini ug dugay, kondili mangalaglag gayod kamo.

Deuteronomio 4:40

Busa tumana ninyo ang iyang mga lagda ug ang iyang mga sugo nga akong gisugo kaninyo niining adlawa aron magmaayo ang inyong kahimtang ug sa inyong mga anak nga sunod kaninyo, ug aron motaas ang inyong mga adlaw sa yuta nga gihatag kaninyo sa Ginoo nga inyong Dios hangtod sa kahangtoran.”

Deuteronomio 5:16

“ ‘Tahora ninyo ang inyong amahan ug ang inyong inahan sumala sa gisugo kaninyo sa Ginoo nga inyong Dios aron motaas ang inyong mga adlaw ug aron mamaayo kini kaninyo didto sa yuta nga ihatag kaninyo sa Ginoo nga inyong Dios.

Deuteronomio 5:33

Lakaw kamo diha sa tanang dalan nga gisugo kaninyo sa Ginoo nga inyong Dios, aron mabuhi kamo ug mamaayo ang inyong kahimtang, ug aron mabuhi kamo ug dugay didto sa yuta nga inyong mapanag-iya.

Deuteronomio 6:2

aron mahadlok kamo sa Ginoo nga iyong Dios, kamo ug ang inyong mga anak ug ang mga anak sa inyong mga anak, pinaagi sa pagtuman sa tanan niyang mga lagda ug sa iyang mga sugo nga akong gisugo kaninyo, sa tanang mga adlaw sa inyong kinabuhi ug aron ang inyong mga adlaw malugwayan pa.

Mga Taga-Colosas 3:20

Mga anak, pagmasinugtanon kamo sa inyong mga ginikanan sa tanang mga butang, kay kini makapahimuot sa Ginoo.

Ruth 3:6

Busa miadto siya sa giokanan ug gihimo ang tanan nga gisugo kaniya sa iyang ugangan nga babaye.

1 Samuel 22:3

Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”