Exodo 20:10

Ang Biblia 2011

apan ang ikapitong adlaw maoy adlaw nga igpapahulay alang sa Ginoo nga imong Dios. Niining adlawa ayaw pagbuhat ug bisan unsang buhat, ikaw o ang imong anak nga lalaki o ang imong anak nga babaye, ang imong sulugoon nga lalaki o ang imong sulugoon nga babaye o ang imong kahayopan o ang langyaw nga anaa sulod sa imong mga ganghaan.

Cross References

Nehemias 10:31

Ug kon ang mga katawhan sa yuta magdala ug mga abot o bisan unsang makaon sa adlaw nga igpapahulay aron ibaligya, dili kami mopalit gikan kanila sa adlaw nga igpapahulay o sa usa ka adlaw nga balaan. Ug among pasagdan ang mga tanom sa ikapitong tuig ug papason ang tanang utang.

Exodo 16:26

Manguha kamo niini sulod sa unom ka adlaw apan sa ikapito nga adlaw nga mao ang adlaw nga igpapahulay, dili na makaplagan kini.”

Exodo 31:13

“Sultihi ang katawhan sa Israel, ‘Tumana ninyo ang akong mga adlaw nga igpapahulay kay kini mao ang usa ka timaan taliwala kanako ug kaninyo hangtod sa tanan ninyong mga kaliwatan, aron kamo mahibalo nga ako mao ang Ginoo nga nagbalaan kaninyo.

Exodo 34:21

“Unom ka adlaw nga kamo magbuhat, apan sa ikapito nga adlaw mopahulay kamo. Bisan sa panahon sa pagdaro ug sa pag-ani kinahanglang mopahulay kamo.

Exodo 35:2

Himoa ninyo ang inyong buluhaton sulod sa unom ka adlaw apan ang ikapito nga adlaw himoa ninyo nga adlawng igpapahulay sa balaang pagpahulay ngadto sa Ginoo. Si bisan kinsa nga magbuhat ug bisan unsa nga buluhaton niining adlawa, kinahanglan nga patyon siya.

Ezequiel 14:7

Kay si bisan kinsa sa balay sa Israel o sa mga langyaw nga nagpuyo sa Israel nga mibulag gikan kanako ug nagbutang sa iyang mga diosdios sulod sa iyang kasingkasing ug nagbutang sa kapandolanan sa iyang kasal-anan diha sa iyang atubangan, apan moadto gihapon sa propeta sa pagpakisayod mahitungod kanako, ako, ang Ginoo, mao gayod ang motubag kaniya.

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Lucas 23:56

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.