Exodo 2:7

Ang Biblia 2011

Unya ang igsoon nga babaye sa bata miingon sa anak nga babaye sa Paraon, “Molakaw ba ako aron sa pagkuha ug usa ka tig-atiman gikan sa mga babaye nga Hebreo, aron mag-atiman niining bataa alang kanimo?”

Cross References

Exodo 15:20

Unya si Miriam, ang babayeng propeta nga igsoon ni Aaron, mikuha ug tambor, ug ang tanang mga babaye misunod kaniya nga may mga tambor ug nanayaw sila.

Exodo 2:4

Ug ang igsoon nga babaye sa bata nagtindog sa layo aron sa pagtan-aw sa mahitabo kaniya.

Exodo 2:6

Sa dihang giablihan niya ang bukag, nakita niya ang bata nga naghilak. Ug naluoy siya sa bata ug miingon, “Usa kini sa mga bata sa mga Hebreo.”

Exodo 2:8

Ug ang anak nga babaye sa Paraon mitubag, “Lakaw.” Unya milakaw ang batang babaye ug gitawag niya ang inahan sa bata.

Numeros 12:1

Unya si Miriam ug si Aaron misulti batok kang Moises tungod sa babaye nga Cusihanon nga iyang gipangasawa kay siya nangasawa man sa babaye nga Cusihanon.

Numeros 26:59

Ug ang ngalan sa asawa ni Amram mao si Jocabed nga anak ni Levi, siya natawo kang Levi didto sa Ehipto, ug iyang gipanganak kang Amram si Aaron ug si Moises ug si Miriam nga ilang igsoong babaye.