Exodo 2:5

Ang Biblia 2011

Unya ang anak nga babaye sa Paraon miadto sa suba aron maligo samtang ang iyang mga sulugoon nagsuroysuroy sa daplin sa suba. Nakita sa prinsesa ang bukag taliwala sa kasagbotan ug iyang gisugo ang usa niya ka sulugoon nga babaye sa pagkuha niini.

Cross References

1 Mga Hari 17:6

Ug ang mga uwak nagdala kaniya ug pan ug karne sa buntag ug hapon ug didto siya miinom sa sapa.

Salmo 12:5

“Tungod kay ang mga kabos gilupigan, tungod kay ang mga nanginahanglan nag-agulo, karon motindog ako,” nag-ingon ang Ginoo, “Ibutang nako siya diha sa kasigurohan nga iyang gipangandoy.”

Salmo 46:1

Ang Dios mao ang atong dalangpanan ug kusog, dali nga katabang diha sa kalisdanan.

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Salmo 9:9

Ang Ginoo dalangpanan sa mga dinaogdaog, usa ka kuta sa panahon sa kalisdanan.

Exodo 2:6

Sa dihang giablihan niya ang bukag, nakita niya ang bata nga naghilak. Ug naluoy siya sa bata ug miingon, “Usa kini sa mga bata sa mga Hebreo.”

Exodo 7:15

Adtoa ang Paraon sa pagkabuntag kay siya moadto sa tubig. Paabota siya sa daplin sa suba ug bitbita ang sungkod nga nahimong bitin.

Exodo 8:20

Unya ang Ginoo miingon kang Moises, “Sayo pagbangon sa pagkabuntag, ug paabota ang Paraon kay siya moadto sa tubig ug ingna siya, ‘Mao kini ang giingon sa Ginoo: Tugoti sa paglakaw ang akong katawhan aron sila makaalagad kanako.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Jonas 2:10

Ug ang Ginoo misulti sa isda ug kini misuka kang Jonas ngadto sa yuta nga uga.

Mga Buhat 7:21

Ug sa gibiyaan na siya sa gawas, ang babayeng anak sa Paraon misagop kaniya ug mipadako kaniya ingon nga iyang kaugalingong anak.