Exodo 2:3

Ang Biblia 2011

Sa dihang dili na siya makahimo pagtago kaniya, mikuha siya ug usa ka bukag nga hinimo gikan sa mga bugang ug gibulit niya kini ug alkitran ug aspalto, ug iyang gipahiluna ang bata diha niini ug gibutang kini sa kasagbotan daplin sa suba.

Cross References

Genesis 11:3

Ug sila nag-ingon sa usa ug usa, “Dali, maghimo kita ug tisa unya pagbahon nato pag-ayo.” Ug sila may tisa ingon nga bato ug may aspalto aron ibulit.

Genesis 14:10

Ug ang walog sa Sidim daghan kaayo ug mga gahong sa aspalto ug nanagan ang mga hari sa Sodoma ug sa Gomora ug pipila kanila nangabuwasot didto ug ang uban nanagan ngadto sa bukid.

Genesis 6:14

Pagbuhat ug usa ka arka gikan sa kahoy nga sipre ug mga lawak sa sulod sa arka ug buliti ug aspalto ang sulod ug gawas niini.

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Isaias 18:2

nga nagpadala ug mga sinugo agi sa Nilo, sakay sa mga sakayan nga hinimo ug mga bugang ibabaw sa katubigan! Lakaw, kamo nga mga tulin nga sinugo, ngadto sa usa ka nasod nga tag-as ug hinlo, ngadto sa usa ka katawhan nga gikahadlokan sa duol ug sa layo, usa ka nasod nga gamhanan ug kanunayng nagmadaogon nga ang yuta gibahin sa mga suba.

Isaias 19:6

ug ang mga agianan sa tubig mangabaho ug ang mga sapa sa Ehipto mohubas ug mauga, ang mga bugang ug mga kupongkupong mangalaya.

Isaias 35:7

ang init nga balas mahimo nga usa ka linaw, ug ang giuhaw nga yuta magtubod sa tubig; ang puluy-anan sa mga iro nga ihalas mahimong kalapokan, ang balili mahimong mga bagakay ug mga bugang.

Mateo 2:13

Ug sa nakalakaw na ang mga mago, dihay usa ka anghel sa Ginoo nga mipakita kang Jose pinaagi sa damgo ug miingon, “Bangon, dad-a ang bata ug ang iyang inahan ug ikyas ngadto sa Ehipto ug pabilin didto hangtod ingnon ko ikaw kay sa dili madugay, si Herodes mangita na sa bata aron sa pagpatay kaniya.”

Mateo 2:16

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Mga Buhat 7:19

Kini nga hari, sa iyang pagpanglimbong sa atong kaliwat, mipugos sa atong mga katigulangan sa pagbiya sa ilang gagmayng mga bata didto sa gawas aron kini dili mabuhi.