Exodo 2:23

Ang Biblia 2011

Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon.

Cross References

Genesis 16:11

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Genesis 4:10

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

Nehemias 9:9

“Ikaw nakakita sa kasakit sa among mga katigulangan didto sa Ehipto ug nakadungog sa ilang pagtuaw didto sa Dagat nga Pula.

Job 35:9

“Tungod sa gidaghanon sa pagpanglupig ang katawhan nagtuaw; sila nagsinggit ug pakitabang tungod sa bukton sa kusgan.

Salmo 102:1

Pamatia ang akong pag-ampo, O Ginoo; padangata ang akong pagtuaw nganha kanimo!

Salmo 102:2

Ayaw tagoa ang imong nawong gikan kanako sa adlaw sa akong kalisdanan. Ikiling kanako ang imong igdulungog; tubaga dayon ako sa adlaw nga ako magsangpit.

Salmo 12:5

“Tungod kay ang mga kabos gilupigan, tungod kay ang mga nanginahanglan nag-agulo, karon motindog ako,” nag-ingon ang Ginoo, “Ibutang nako siya diha sa kasigurohan nga iyang gipangandoy.”

Salmo 18:6

Sa akong kagul-anan nagsangpit ako sa Ginoo; ngadto sa akong Dios nagpakitabang ako. Gikan sa iyang Templo, nadungog niya ang akong tingog, ug ang akong pagtuaw ngadto kaniya midangat sa iyang mga dalunggan.

Exodo 1:14

ug gihimo ang ilang mga kinabuhi nga makaluluoy tungod sa bug-at nga buhat, sa pagmasa ug yuta, sa pagbuhat ug tisa ug sa tanang matang sa buhat diha sa uma, ug sa tanan nilang buluhaton gipabuhat sila sa walay kaluoy.

Exodo 4:19

Ang Ginoo miingon kang Moises didto sa Midian, “Balik ngadto sa Ehipto kay nangamatay na ang tanang nagtinguha sa imong kinabuhi.”

Exodo 6:5

Dugang pa, nadungog nako ang pag-agulo sa katawhan sa Israel nga giulipon sa mga Ehiptohanon ug nahinumdoman nako ang akong kasabotan.

Exodo 6:9

Si Moises misulti sa ingon ngadto sa katawhan sa Israel apan wala sila mamati kang Moises tungod sa ilang kaluya sa espiritu ug tungod sa ilang pintas nga kaulipnan.

Exodo 7:7

Si Moises nagpanuigon na ug 80 ka tuig ug si Aaron may 83 ka tuig sa dihang misulti sila sa Paraon.

Isaias 19:20

Kini mahimong usa ka timaan ug usa ka saksi sa Ginoo sa mga panon didto sa yuta sa Ehipto. Sa dihang sila magtuaw ngadto sa Ginoo tungod sa mga madaogdaogon, siya magpadala kanila ug usa ka manluluwas, ug labanan ug luwason sila.

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Numeros 20:16

Ug sa dihang mituaw kami sa Ginoo, namati siya sa among tingog ug nagsugo sa usa ka anghel ug gikuha kami gikan sa Ehipto, ug ania kami dinhi sa Cades, usa ka lungsod sa utlanan sa imong yuta.

Mga Buhat 7:30

“Unya sa dihang milabay ang 40 ka tuig, mipakita kaniya ang usa ka anghel didto sa kamingawan sa Bukid sa Sinai, diha sa nagdilaab nga sampinit.

Deuteronomio 24:15

Ihatag kaniya ang iyang suhol sa adlaw nga iya kining gihagoan sa dili pa mosalop ang adlaw kay siya kabos ug ang iyang kasingkasing nagsalig niini, kay tingali unya ug mosangpit siya sa Ginoo batok kanimo ug kini mahimong sala diha kanimo.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.

Mga Maghuhukom 4:3

Unya ang katawhan sa Israel nagpakitabang sa Ginoo, kay si Jabin adunay siyam ka gatos ka karwahi nga puthaw ug iyang gidaogdaog sa hilabihan gayod ang katawhan sa Israel sulod sa 20 ka tuig.

1 Samuel 12:8

Sa pag-adto ni Jacob sa Ehipto ug ang mga Ehiptohanon nagdaogdaog kanila, ang inyong mga katigulangan nagtuaw sa Ginoo, unya ang Ginoo nagpadala kang Moises ug kang Aaron nga maoy nagpagula sa inyong katigulangan gikan sa Ehipto ug nagpapuyo kanila niining dapita.

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”