Exodo 19:9

Ang Biblia 2011

Unya ang Ginoo miingon kang Moises, “Moanha ako kanimo pinaagi sa usa ka baga nga panganod aron ang katawhan makadungog sa diha nga makigsulti ako kanimo ug motuo usab sila kanimo hangtod sa kahangtoran.” Unya gisugilon ni Moises ang mga pulong sa katawhan ngadto sa Ginoo.

Cross References

1 Mga Hari 8:12

Unya si Solomon miingon, “Ang Ginoo nagpahimutang sa adlaw diha sa kalangitan, apan nag-ingon nga siya mopuyo diha sa kangitngit.

2 Cronicas 20:20

Sila mibangon pagsayo sa pagkabuntag ug miadto sa kamingawan sa Tekoa, ug sa nangadto sila, si Jehosafat mitindog ug miingon, “Pamatia ako, Juda ug mga lumulupyo sa Jerusalem! Tuo kamo sa Ginoo nga inyong Dios aron kamo malig-on; tuohi ang iyang mga propeta ug molampos kamo.”

2 Cronicas 6:1

Unya si Solomon miingon, “Ang Ginoo miingon nga siya buot mopuyo sa hilabihang kangitngit.

Salmo 97:2

Mga panganod ug baga nga kangitngit naglibot kaniya; pagkamatarong ug hustisya mao ang patukoranan sa iyang trono.

Salmo 99:7

Siya misulti kanila diha sa haligi nga panganod; nagtamod sila sa iyang mga pagpamatuod, ug sa mga lagda nga iyang gihatag kanila.

Exodo 14:31

Ug nakita sa Israel ang dakong gibuhat sa Ginoo batok sa mga Ehiptohanon. Ug ang katawhan nahadlok sa Ginoo, ug mituo sila sa Ginoo ug kang Moises nga iyang alagad.

Exodo 19:16

Sa pagkabuntag sa ikatulong adlaw, may mga dalugdog ug mga kilat ug baga nga panganod didto sa ibabaw sa bukid ug hilabihan ka kusog nga tingog sa trumpeta, nga tungod niana ang tanang katawhan didto sa kampo nangurog.

Exodo 20:21

Ang katawhan nagtindog sa layo samtang si Moises mipaduol sa hilabihan nga kangitngit diin didto ang Dios.

Exodo 34:5

Ug ang Ginoo mikunsad diha sa panganod ug mitindog didto uban kaniya ug nagpahayag sa ngalan, Yahweh.

Exodo 4:31

Ug ang katawhan mituo. Sa pagkadungog nila nga ang Ginoo miduaw sa katawhan sa Israel ug nga nakita niya ang ilang kasakitan, giduko nila ang ilang mga ulo ug misimba sila.

Exodo 4:5

“Unya sila motuo nga nagpakita kanimo ang Ginoo, ang Dios sa ilang mga katigulangan, ang Dios ni Abraham, ang Dios ni Isaac ug ang Dios ni Jacob.”

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Isaias 7:9

Ang ulo sa Efraim mao ang Samaria, ug ang ulo sa Samaria mao ang anak ni Remalias. Kon kamo dili motuo, kamo dili gayod mobarog.’ ”

Numeros 12:5

Ug ang Ginoo mikunsad diha sa usa ka haligi nga panganod ug mibarog diha sa pultahan sa Tolda ug mitawag kang Aaron ug kang Miriam ug miduol silang duha.

Mateo 17:5

Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”

Marcos 9:7

Unya dihay usa ka panganod nga milandong kanila, ug dihay tingog gikan sa panganod, “Mao kini ang akong Anak nga pinalangga, pamati kamo kaniya.”

Lucas 10:16

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Deuteronomio 4:10

nga niadtong adlaw nga nagtindog ikaw sa atubangan sa Ginoo nga imong Dios didto sa Horeb, kon giunsa sa Ginoo pag-ingon kanako, ‘Tigoma nganhi kanako ang katawhan aron papamation nako sila sa akong mga pulong, aron sila makakat-on sa pagkahadlok kanako sa tanang mga adlaw nga magpuyo sila sa yuta ug aron matudloan nila ang ilang mga kabataan sa ingon.’

Deuteronomio 4:36

Gikan sa langit gipadungog kamo niya sa iyang tingog aron kamo mapanton niya. Ug dinhi sa yuta gipakita niya kaninyo ang iyang dakong kalayo ug nakadungog kamo sa iyang mga pulong gikan sa taliwala sa kalayo.

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.