Exodo 19:8

Ang Biblia 2011

Ug ang tanang katawhan nagdungan sa pagtubag ug miingon, “Ang tanan nga gisulti sa Ginoo among buhaton.” Ug gisugilon ni Moises ang mga pulong sa katawhan ngadto sa Ginoo.

Cross References

Nehemias 10:29

mitipon sa ilang mga kaigsoonan, sa ilang mga kadagkoan ug miuyon sila sa usa ka tunglo ug sa usa ka panumpa, sa paglakaw diha sa Balaod sa Dios, nga gihatag ni Moises nga alagad sa Dios, ug sa pagtuman ug sa pagbuhat sa tanang kasugoan sa Ginoo nga atong Ginoo ug sa iyang mga tulumanon ug sa iyang mga lagda.

Exodo 20:19

Ug sila miingon kang Moises, “Sulti kanamo ug mamati kami apan ayaw pasultiha ang Dios kanamo kay basin unya ug mangamatay kami.”

Exodo 24:3

Ug si Moises miadto ug gisugilon niya sa katawhan ang tanang mga pulong sa Ginoo, ug ang tanang tulumanon. Ug ang tanang katawhan mitubag sa usa ka tingog ug miingon, “Ang tanang pulong nga gisulti sa Ginoo among buhaton.”

Exodo 24:7

Ug gikuha niya ang basahon sa kasabotan, ug gibasa niya diha sa pangdungog sa katawhan ug sila miingon, “Ang tanang gisulti sa Ginoo among buhaton ug magmatinumanon kami.”

Exodo 4:31

Ug ang katawhan mituo. Sa pagkadungog nila nga ang Ginoo miduaw sa katawhan sa Israel ug nga nakita niya ang ilang kasakitan, giduko nila ang ilang mga ulo ug misimba sila.

Josue 24:21

Ug ang katawhan miingon kang Josue, “Dili! Mag-alagad kami sa Ginoo.”

Josue 24:24

Ang katawhan miingon kang Josue, “Sa Ginoo nga among Dios kami mag-alagad ug sa iyang tingog kami motuman.”