Exodo 19:4

Ang Biblia 2011

Kamo nakakita sa akong gibuhat sa mga Ehiptohanon ug kon giunsa kamo nako pagdala diha sa mga pako sa mga agila ug gidala nganhi kanako.

Cross References

Isaias 40:31

apan kadtong naghulat sa Ginoo magbag-o sa ilang kusog, sila manglupad pinaagi sa mga pako sama sa mga agila, sila managan ug dili kapoyon, sila manglakaw ug dili mangaluya.

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Oseas 11:1

Sa diha nga bata pa ang Israel, gihigugma nako siya, ug gikan sa Ehipto gitawag nako ang akong anak.

Hageo 2:5

sumala sa saad nga akong gihimo kaninyo sa diha nga migula kamo gikan sa Ehipto. Ang akong Espiritu magpabilin diha sa taliwala ninyo; ayaw kamo kahadlok.

Malaquias 2:10

Dili ba usa lamang ang atong amahan? Dili ba usa lamang ka Dios ang nagbuhat kanato? Nganong dili man kita matinud-anon sa usa ug usa, hinuon nagpasipala sa kasabotan sa atong katigulagan?

Deuteronomio 1:30

Ang Ginoo, ang inyong Dios nga nag-una kaninyo, maoy makig-away alang kaninyo, sama sa gibuhat niya alang kaninyo didto sa Ehipto sa atubangan sa inyong mga mata,

Deuteronomio 1:31

ug didto sa kamingawan, diin nakita ninyo kon giunsa sa Ginoo nga inyong Dios ang pagdala kaninyo sama sa usa ka tawo nga nagdala sa iyang anak diha sa tanang dalan nga inyong giagian hangtod nga midangat kamo niining dapita.’

Deuteronomio 29:1

Kini mao ang mga pulong sa kasabotan nga gisugo sa Ginoo kang Moises aron himoon uban sa katawhan sa Israel didto sa yuta sa Moab, gawas sa kasabotan nga iyang gihimo uban kanila didto sa Horeb.

Deuteronomio 29:2

Ug gipatawag ni Moises ang tibuok Israel ug giingnan sila, “Kamo nakakita sa tanan nga gibuhat sa Ginoo sa atubangan sa inyong mga mata didto sa yuta sa Ehipto, ngadto sa Paraon ug sa tanan niyang mga ulipon ug sa tibuok niya nga yuta,

Deuteronomio 4:9

“Pagmatngon lamang ug ampingi pag-ayo ang inyong kalag kay tingali unya ug malimot kamo sa mga butang nga nakita sa inyong mga mata, ug tingali unya ug mobulag sila sa inyong kasingkasing sa tanang mga adlaw sa inyong kinabuhi. Ipahibalo kini sa imong mga anak ug sa mga anak sa imong mga anak

Josue 23:3

Nakita ninyo ang tanan nga gihimo sa Ginoo nga inyong Dios niining tanang mga nasod tungod kaninyo kay ang Ginoo nga inyong Dios mao ang nakig-away alang kaninyo.

Gipadayag 12:14

Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.