Exodo 19:3

Ang Biblia 2011

Unya si Moises mitungas ngadto sa Dios ug ang Ginoo mitawag kaniya gikan sa bukid nga nag-ingon, “Mao kini ang isulti sa panimalay ni Jacob ug sultihi ang katawhan sa Israel:

Cross References

Exodo 19:20

Unya ang Ginoo mikunsad sa Bukid sa Sinai, sa kinatumyan sa bukid, ug gitawag niya si Moises ngadto sa kinatumyan sa bukid ug mitungas si Moises.

Exodo 20:21

Ang katawhan nagtindog sa layo samtang si Moises mipaduol sa hilabihan nga kangitngit diin didto ang Dios.

Exodo 24:12

Ang Ginoo miingon kang Moises, “Tungas ngari kanako sa bukid ug pabilin diri ug ihatag nako kanimo ang mga papan nga bato uban sa balaod ug sa kasugoan nga gisulat nako aron itudlo kanila.”

Exodo 24:13

Unya mitindog si Moises, uban kang Josue nga iyang kaabag ug mitungas siya ngadto sa bukid sa Dios.

Exodo 3:12

Siya miingon, “Ako mag-uban kanimo ug kini mao ang ilhanan alang kanimo nga ikaw akong gisugo: sa dihang makuha na nimo ang katawhan gikan sa Ehipto, mag-alagad kamo sa Dios dinhi niining bukira.”

Exodo 3:4

Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.”

Exodo 34:2

Pangandam ugma sa buntag ug tungas sa pagkabuntag ngadto sa Bukid sa Sinai ug pakita kanako didto sa kinatumyan sa bukid.

Exodo 34:4

Busa si Moises nagsapsap ug duha ka papan nga bato sama sa una. Mibangon si Moises sayo sa buntag ug mitungas sa Bukid sa Sinai sumala sa gisugo sa Ginoo kaniya ug gibitbit ang duha ka papan nga bato.

Levitico 1:1

Ang Ginoo mitawag kang Moises ug misulti kaniya gikan sa tolda nga tagboanan, nga nag-ingon,

Mga Buhat 7:38

Mao kini siya ang didto sa pundok sa kamingawan uban sa anghel nga misulti kaniya didto sa Bukid sa Sinai ug uban sa atong mga katigulangan, ug siya nakadawat sa buhing mga pulong aron ihatag kanato.