Exodo 19:21

Ang Biblia 2011

Ug ang Ginoo miingon kang Moises, “Lugsong ug pasidan-i ang katawhan kay tingali unya ug molabang sila sa utlanan aron sa pagsud-ong sa Ginoo, ug daghan unya ang mangamatay kanila.

Cross References

Exodo 3:3

Unya si Moises miingon, “Moadto ako ug tan-awon nako kining talagsaong talan-awon, kon ngano nga wala maugdaw ang sampinit.”

Exodo 3:5

Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.”

Exodo 33:20

Siya miingon, “Apan dili ikaw makakita sa akong nawong, kay ang tawo dili mahimong makakita kanako ug mabuhi.”

Ecclesiastes 5:1

Bantayi ang imong mga lakang kon ikaw moadto sa balay sa Dios; ang pagduol aron sa pagpamati maayo pa kay sa paghalad ug inihaw sa mga buangbuang, kay wala sila masayod nga sila nagbuhat ug daotan.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:18

“Ayaw ninyo ipalaglag ang banay sa mga panimalay sa mga Kohatihanon gikan sa taliwala sa mga Levihanon.

Numeros 4:19

Apan kini buhaton ninyo aron sila mabuhi ug dili mamatay, sa diha nga sila moduol sa mga butang nga labing balaan. Si Aaron ug ang iyang mga anak mangadto ug magtudlo kanila sa matag usa sa iyang katungdanan ug sa iyang dad-onon.

Numeros 4:20

Apan dili sila mosulod sa pagtan-aw sa mga balaang butang, bisan sa daklit lamang aron sila dili mamatay.”

Deuteronomio 5:5

Niadtong panahona ako nagtindog taliwala kaninyo ug sa Ginoo aron sa pagsulti kaninyo sa pulong sa Ginoo kay nangahadlok man kamo tungod sa kalayo, ug wala kamo motungas sa bukid. Siya miingon:

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.