Exodo 19:2

Ang Biblia 2011

Ug sa pagbiya nila sa Refidim ug sa pag-abot nila sa kamingawan sa Sinai, nagkampo sila sa kamingawan ug didto ang Israel magkampo sa atubangan sa bukid.

Cross References

Exodo 17:1

Ang tibuok nga katilingban sa katawhan sa Israel mipanaw nga hugna-hugna gikan sa kamingawan sa Sin, sumala sa sugo sa Ginoo. Ug nagkampo sila sa Refidim, apan didto walay tubig nga mainom sa mga tawo.

Exodo 17:8

Unya miabot ang Amalek ug nakig-away sa Israel didto sa Refidim.

Exodo 18:5

Si Jetro nga ugangan ni Moises, uban sa mga anak nga lalaki ni Moises ug sa iyang asawa, miadto kang Moises sa kamingawan diin siya nagkampo didto sa bukid sa Dios.

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Exodo 3:12

Siya miingon, “Ako mag-uban kanimo ug kini mao ang ilhanan alang kanimo nga ikaw akong gisugo: sa dihang makuha na nimo ang katawhan gikan sa Ehipto, mag-alagad kamo sa Dios dinhi niining bukira.”

Numeros 1:1

Ang Ginoo misulti kang Moises didto sa kamingawan sa Sinai, sulod sa tolda nga tagboanan, sa unang adlaw sa ikaduhang bulan sa ikaduhang tuig human sa ilang paggawas gikan sa yuta sa Ehipto, nga nag-ingon,

Numeros 33:15

Unya mibiya sila gikan sa Refidim ug nagkampo didto sa kamingawan sa Sinai.

Mga Buhat 7:30

“Unya sa dihang milabay ang 40 ka tuig, mipakita kaniya ang usa ka anghel didto sa kamingawan sa Bukid sa Sinai, diha sa nagdilaab nga sampinit.

Mga Buhat 7:38

Mao kini siya ang didto sa pundok sa kamingawan uban sa anghel nga misulti kaniya didto sa Bukid sa Sinai ug uban sa atong mga katigulangan, ug siya nakadawat sa buhing mga pulong aron ihatag kanato.

Mga Taga-Galacia 4:24

Usa kini ka sambingay: kining mga babayehana mao ang duha ka kasabotan. Ang usa gikan sa Bukid sa Sinai, nagpasanay alang sa kaulipnan, siya mao si Hagar.