Exodo 19:18

Ang Biblia 2011

Ug ang tibuok Bukid sa Sinai nalukop sa aso kay ang Ginoo mikunsad sa ibabaw niini pinaagi sa kalayo ug ang aso niini miutbo sama sa aso sa usa ka hudno ug ang tibuok nga bukid nauyog sa hilabihan gayod.

Cross References

Genesis 11:5

Ug nanaog ang Ginoo aron sa pagtan-aw sa siyudad, ug sa tore nga gitukod sa mga anak sa mga tawo.

Genesis 15:17

Sa dihang misalop na ang adlaw ug ngitngit na, dihay usa ka nag-aso nga hudno ug usa ka nagdilaab nga sulo nga mitadlas sa taliwala sa inihaw.

Genesis 19:28

ug milantaw siya sa dapit sa Sodoma ug sa Gomora ug ngadto sa tibuok nga yuta niadtong walog ug nakita niya kini ug ang aso nag-utbo gikan sa yuta sama sa aso sa hudno.

Nehemias 9:13

Ikaw mikunsad ibabaw sa Bukid sa Sinai ug nakigsulti kanila gikan sa langit ug mihatag kanila sa matarong nga mga tulumanon ug matuod nga mga balaod, maayong kalagdaan ug kasugoan.

Salmo 104:32

siya nga nagtan-aw sa yuta ug mikurog kini, siya nga nagtandog sa kabukiran ug kini miaso!

Salmo 114:4

Ang kabukiran milukso sama sa mga laking karnero, ang kabungtoran sama sa mga nating karnero.

Salmo 114:7

Kurog, O yuta, diha sa atubangan sa Ginoo, diha sa atubangan sa Dios ni Jacob,

Salmo 144:5

Ipaubos ang imong kalangitan, O Ginoo, ug kanaog! Hikapa ang kabukiran aron kini moaso!

Salmo 18:9

Gipaubos niya ang kalangitan, ug nanaog siya; ang hilabihan nga kangitngit diha sa ilalom sa iyang mga tiil.

Salmo 68:9

Ikaw, O Dios, nagpadala ug daghang ulan; ikaw nagpahiuli sa imong panulundon sa diha nga kini naluya na;

Salmo 77:18

Ang dinahunog sa imong dalugdog anaa sa mga alimpulos; ang mga kilat mihayag sa kalibotan; ang yuta mikurog ug nauyog.

Salmo 77:19

Ang imong dalan anaa sa dagat, ang imong mga agianan anaa sa dagkong katubigan; apan ang imong mga tunob wala makita.

Exodo 19:13

Walay kamot nga mohikap kaniya, kay batoon siya o panaon, mananap man o tawo, dili siya mabuhi.’ Sa diha nga ang trumpeta motingog ug kusog kinahanglan manungas sila sa bukid.”

Exodo 19:17

Unya gidala ni Moises ang katawhan gikan sa kampo aron sa pagsugat sa Dios ug nanindog sila sa tiilan sa bukid.

Exodo 20:18

Unya sa namatikdan sa mga tawo ang mga dalugdog ug mga kilat ug ang tingog sa trumpeta ug nakita ang bukid nga nag-aso, ang mga tawo nangahadlok ug nangurog ug nagtindog sa layo.

Exodo 24:17

Ug ang panagway sa himaya sa Ginoo sama sa usa ka nag-ut-ot nga kalayo sa kinatumyan sa bukid diha sa panan-aw sa katawhan sa Israel.

Exodo 3:2

Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw.

Exodo 34:2

Pangandam ugma sa buntag ug tungas sa pagkabuntag ngadto sa Bukid sa Sinai ug pakita kanako didto sa kinatumyan sa bukid.

Isaias 6:4

Ang mga bisagra sa mga pultahan nauyog sa iyang tingog nga nagtawag, ug ang balay napuno sa aso.

Isaias 64:1

O gision unta nimo ang kalangitan, ug ikaw mokunsad, aron ang kabukiran mangurog sa imong atubangan,

Jeremias 4:24

Mitan-aw ako sa kabukiran, ug akong nakita nga kini nagkurog, ug ang tanang kabungtoran natay-og ngadto ug nganhi.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Zacarias 14:5

Ug ang walog sa akong kabukiran maalihan kay ang walog sa mga bukid moabot sa kilid niini, ug kamo mangagiw sama sa inyong pagkagiw tungod sa linog panahon ni Uzias nga hari sa Juda. Unya ang Ginoo nga inyong Dios moanhi ug ang tanang mga balaan uban kaniya.

Mateo 24:7

Kay ang usa ka nasod moalsa batok sa usa ka nasod ug gingharian batok sa gingharian ug mahitabo ang mga gutom ug mga linog sa nagkalainlaing mga dapit.

Deuteronomio 33:2

Siya miingon: “Ang Ginoo miabot gikan sa Sinai, ug gikan sa Seir siya mitindog ibabaw kanato, misidlak siya gikan sa bukid sa Paran, ug mianhi siya gikan sa napulo ka libo ka balaan, sa iyang tuong kamot adunay nagdilaab nga kalayo.

Deuteronomio 4:36

Gikan sa langit gipadungog kamo niya sa iyang tingog aron kamo mapanton niya. Ug dinhi sa yuta gipakita niya kaninyo ang iyang dakong kalayo ug nakadungog kamo sa iyang mga pulong gikan sa taliwala sa kalayo.

Deuteronomio 5:22

“Kining mga pulonga gisulti sa Ginoo ngadto sa tibuok ninyong katilingban didto sa bukid, gikan sa taliwala sa kalayo, sa panganod ug sa hilabihan nga kangitngit uban sa kusog nga tingog ug wala na siyay gidugang. Ug kini gisulat niya sa duha ka papan nga bato ug gihatag kini kanako.

Deuteronomio 5:4

Ang Ginoo misulti kaninyo sa nawong ug nawong didto sa bukid gikan sa taliwala sa kalayo.

2 Mga Taga-Tesalonica 1:7

Ug kamo nga gisakit makapahulay uban kanamo sa diha nga ang Ginoong Jesus ipadayag na gikan sa langit uban sa iyang gamhanang mga anghel diha sa nagdilaab nga kalayo.

2 Mga Taga-Tesalonica 1:8

Siya magpahamtang ug panimalos batok kanila nga wala moila sa Dios ug kanila nga wala magtuman sa Maayong Balita sa atong Ginoong Jesus.

Mga Hebreo 12:18

Kay kamo wala modangat ngadto sa mahikap, sa nagdilaab nga kalayo ug sa kangitngit ug sa kangiob ug sa bagyo

Mga Hebreo 12:26

Ang iyang tingog kaniadto mitay-og sa yuta, apan karon siya misaad nga nag-ingon, “Sa lain pa gayod nga higayon tay-ogon nako dili lamang ang yuta kondili ang langit usab.”

2 Pedro 3:10

Apan ang adlaw sa Ginoo moabot sama sa usa ka kawatan, ug unya ang mga langit mahanaw uban sa dakong dahunog, ug ang mga butang sa kinaiyahan mangatunaw tungod sa hilabihang kainit ug ang yuta ug ang mga buhat nga anaa niini mabutyag.

Gipadayag 15:8

Ug ang templo napuno sa aso gikan sa himaya sa Dios ug gikan sa iyang gahom, ug walay si bisan kinsa nga makahimo sa pagsulod sa templo hangtod matapos ang pito ka katalagman sa pito ka anghel.

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.

Mga Maghuhukom 5:5

Ang kabukiran nangatay-og sa atubangan sa Ginoo, siya nga didto sa Sinai, sa atubangan sa Ginoo nga Dios sa Israel.