Exodo 19:15

Ang Biblia 2011

Ug miingon si Moises sa katawhan, “Pangandam kamo sa ikatulong adlaw, ayaw kamo pagduol ug babaye.”

Cross References

1 Cronicas 15:12

Siya miingon kanila, “Kamo mao ang mga pangulo sa mga panimalay sa mga katigulangan sa mga Levihanon. Balaana ang inyong kaugalingon, kamo ug ang inyong mga kaigsoonan aron madala ninyo ang sudlanan sa kasabotan sa Ginoo, ang Dios sa Israel, ngadto sa dapit nga akong giandam alang niini.

Exodo 19:11

Ug paandama sila sa ikatulong adlaw kay sa ikatulong adlaw mokunsad ang Ginoo sa Bukid sa Sinai, sa atubangan sa tanang katawhan.

Exodo 19:14

Busa milugsong si Moises sa bukid padulong sa katawhan ug gibalaan niya ang katawhan ug gilabhan nila ang ilang mga bisti.

Exodo 19:16

Sa pagkabuntag sa ikatulong adlaw, may mga dalugdog ug mga kilat ug baga nga panganod didto sa ibabaw sa bukid ug hilabihan ka kusog nga tingog sa trumpeta, nga tungod niana ang tanang katawhan didto sa kampo nangurog.

Joel 2:16

tigoma ang katawhan. Balaana ang katilingban; pundoka ang mga kadagkoan; tigoma ang kabataan ug ang mga masuso. Pagulaa ang pamanhonon sa iyang lawak ug ang pangasaw-onon gikan sa iyang lawak.

Levitico 15:18

Ang babaye usab nga gipakighilawasan sa lalaki ug naagasan sa binhi, silang duha kinahanglang mangaligo sa tubig ug hugaw sila hangtod sa pagkakilomkilom.

Amos 4:12

“Busa mao kini ang buhaton nako kaninyo, O Israel; tungod kay buhaton man nako kini kaninyo, pangandam sa pag-atubang sa inyong Dios, O Israel!”

Zacarias 6:3

ang ikatulo adunay puti nga mga kabayo ug ang ikaupat nga karwahi adunay abohon nga mga kabayo.

Zacarias 7:3

ug sa paghangyo sa mga pari nga didto sa balay sa Ginoo sa mga panon, ug sa mga propeta, “Magbangutan ba ako ug magpuasa sa ikalima nga bulan, sumala sa akong gibuhat sa daghang katuigan?”

Malaquias 3:2

Apan kinsa ang makalahutay sa adlaw sa iyang pag-anhi ug kinsa ang makabarog kon siya mopakita na? “Kay siya sama sa kalayo sa tigtunaw ug sama sa isog nga sabon.

Mateo 24:44

Busa kamo usab kinahanglang mangandam kay ang Anak sa Tawo moabot sa takna nga wala ninyo dahoma.

1 Mga Taga-Corinto 7:5

Ayaw hikawi ang usa ug usa gawas kon magsabot kamo alang sa usa ka panahon, aron sa paggahin ug panahon sa pag-ampo, ug pagduol na usab kamo aron dili kamo matintal ni Satanas tungod sa kakulang ninyo ug pagpugong sa kaugalingon.