Exodo 19:14

Ang Biblia 2011

Busa milugsong si Moises sa bukid padulong sa katawhan ug gibalaan niya ang katawhan ug gilabhan nila ang ilang mga bisti.

Cross References

Genesis 35:2

Busa si Jacob miingon sa iyang panimalay ug sa tanan nga uban kaniya, “Isalikway ninyo ang laing mga dios nga anaa kaninyo, ug panghinlo kamo sa inyong kaugalingon ug pag-ilis kamo sa inyong mga bisti.

1 Cronicas 15:12

Siya miingon kanila, “Kamo mao ang mga pangulo sa mga panimalay sa mga katigulangan sa mga Levihanon. Balaana ang inyong kaugalingon, kamo ug ang inyong mga kaigsoonan aron madala ninyo ang sudlanan sa kasabotan sa Ginoo, ang Dios sa Israel, ngadto sa dapit nga akong giandam alang niini.

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Exodo 19:13

Walay kamot nga mohikap kaniya, kay batoon siya o panaon, mananap man o tawo, dili siya mabuhi.’ Sa diha nga ang trumpeta motingog ug kusog kinahanglan manungas sila sa bukid.”

Exodo 19:15

Ug miingon si Moises sa katawhan, “Pangandam kamo sa ikatulong adlaw, ayaw kamo pagduol ug babaye.”

Numeros 31:23

ang tanang butang nga makasukol sa kalayo, ang ipaagi ninyo sa kalayo ug mahinlo kini, apan bisan pa niana kini putlion pinaagi sa tubig alang sa kahugawan. Apan ang tanan nga dili makasukol sa kalayo ipaagi ninyo sa tubig.

1 Samuel 21:5

Ug si David mitubag sa pari, “Sa pagkatinuod ang mga babaye gipahilayo gikan kanamo kanunay kon ako adunay panaw. Ang mga sudlanan sa mga batan-ong lalaki ginahin bisan sa usa ka naandan nga panaw, unsa pa kaha ka ginahin ang ilang mga sudlanan karon?”