Exodo 19:13

Ang Biblia 2011

Walay kamot nga mohikap kaniya, kay batoon siya o panaon, mananap man o tawo, dili siya mabuhi.’ Sa diha nga ang trumpeta motingog ug kusog kinahanglan manungas sila sa bukid.”

Cross References

Exodo 19:14

Busa milugsong si Moises sa bukid padulong sa katawhan ug gibalaan niya ang katawhan ug gilabhan nila ang ilang mga bisti.

Exodo 19:16

Sa pagkabuntag sa ikatulong adlaw, may mga dalugdog ug mga kilat ug baga nga panganod didto sa ibabaw sa bukid ug hilabihan ka kusog nga tingog sa trumpeta, nga tungod niana ang tanang katawhan didto sa kampo nangurog.

Exodo 19:17

Unya gidala ni Moises ang katawhan gikan sa kampo aron sa pagsugat sa Dios ug nanindog sila sa tiilan sa bukid.

Exodo 19:19

Sa nag-anam na ka kusog ang tingog sa trumpeta, si Moises misulti ug ang Dios mitubag kaniya pinaagi sa dalugdog.

Exodo 34:3

Walay tawo nga motungas uban kanimo ug kinahanglang walay tawo nga makita diha sa tibuok nga bukid ug kinahanglan nga walay mga karnero o mga baka nga manibsib sa atubangan sa bukid.”

1 Mga Taga-Corinto 15:52

sa kalit, sa usa ka pagpamilok, inigtingog na sa kataposang trumpeta kay ang trumpeta patingogon, ug ang mga patay banhawon nga dili na madunot, ug kita mangausab.

1 Mga Taga-Tesalonica 4:16

Kay ang Ginoo gayod mao ang manaog gikan sa langit uban sa pagmando, ug uban sa tingog sa pangulong anghel, ug uban sa tingog sa trumpeta sa Dios. Ug unya ang mga nangamatay diha kang Cristo mouna sa pagpamangon.

Mga Hebreo 12:20

Kay sila dili makaantos sa sugo nga gihatag, “Bisan pa gani kon ang usa ka mananap motunob sa bukid, kini kinahanglang batoon.”

Mga Maghuhukom 20:37

Ug ang mga tawo nga nag-atang midali ug midasdas sa Gibea, ug sila nangadto ug gipanigbas ang tibuok katawhan sa siyudad pinaagi sa sulab sa espada.