Exodo 18:9

Ang Biblia 2011

Ug nalipay si Jetro sa tanang kaayohan nga gibuhat sa Ginoo ngadto sa Israel, nga iyang giluwas sila gikan sa kamot sa mga Ehiptohanon.

Cross References

Isaias 44:22

Gipalayo nako ang imong kalapasan sama sa usa ka baga nga panganod, ug ang imong mga sala sama sa usa ka gabon; balik kanako, kay gilukat ko na ikaw.

Isaias 44:23

Pag-awit, O kalangitan, kay ang Ginoo naghimo niini; singgit, mga kahiladman sa yuta; hunat sa pag-awit, O mga kabukiran, O lasang, ug ang matag kahoy nga anaa niini! Kay ang Ginoo naglukat kang Jacob ug himayaon diha sa Israel.

Isaias 63:7

Hisgotan nako ang gugmang walay paglubad sa Ginoo, ang mga pagdayeg sa Ginoo, sumala sa tanan nga gihatag sa Ginoo kanato, ug ang dakong kaayo alang sa balay ni Israel, nga iyang gihatag kanila sumala sa iyang kaluoy, sumala sa kadagaya sa iyang gugmang walay paglubad.

Isaias 66:10

“Paglipay kamo uban sa Jerusalem, ug pagmaya alang kaniya, kamong tanan nga nahigugma kaniya; pagsadya uban kaniya diha sa kalipay, kamong tanan nga nagsubo tungod kaniya

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

1 Samuel 15:6

Si Saul miingon sa mga Kenihanon, “Lakaw, pahawa kamo, palayo kamo gikan sa mga Amalekanhon kay tingali unya ug laglagon ko kamo uban kanila, kay kamo nagpakita ug kaluoy sa tibuok katawhan sa Israel sa diha nga sila migula gikan sa Ehipto.” Busa ang mga Kenihanon mibiya gikan sa mga Amalekanhon.