Exodo 18:8

Ang Biblia 2011

Unya gisugilon ni Moises sa iyang ugangan ang tanan nga gibuhat sa Ginoo ngadto sa Paraon ug sa mga Ehiptohanon tungod sa Israel, ug ang tanang kalisdanan nga miabot kanila sa dalan ug giunsa sa Ginoo pagluwas kanila.

Cross References

Genesis 44:34

Kay unsaon man nako sa pag-adto sa akong amahan kon wala ang bata uban kanako? Ako nahadlok nga makakita ako sa kadaotan nga mahitabo sa akong amahan.”

Nehemias 9:32

“Busa karon, among Dios, ang dako, gamhanan ug makalilisang nga Dios, nga nagtuman sa kasabotan ug sa gugmang walay paglubad, ayaw himoa nga ang tanang mga kalisdanan nga midangat kanamo daw gamay alang kanimo, diha sa among mga hari, sa among mga pangulo, sa among mga pari, sa among mga propeta, sa among mga katigulangan ug sa tanan nimong katawhan, sukad sa panahon sa mga hari sa Asiria hangtod niining adlawa.

Salmo 106:10

Busa giluwas niya sila gikan sa kamot sa nagdumot kanila, ug gikuha sila gikan sa kamot sa kaaway.

Salmo 106:8

Bisan pa niana giluwas niya sila tungod ug alang sa iyang ngalan, aron iyang ikapadayag ang iyang dakong gahom.

Salmo 107:2

Pasultiha niana ang mga gilukat sa Ginoo, nga gilukat niya gikan sa kamot sa kaaway,

Salmo 66:16

Dali ngari ug pamati, kamong tanan nga may kahadlok sa Dios, ug ipahayag nako ang gibuhat niya alang kanako.

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Exodo 15:16

Kahadlok ug kalisang ang ilang nahiagoman; tungod sa pagkagamhanan sa imong bukton nangahilom sila sama sa usa ka bato, hangtod nga mosaylo ang imong katawhan, O Ginoo, hangtod nga mosaylo kining katawhan nga imong gipalit.

Exodo 15:6

Ang imong tuong kamot, O Ginoo, mahimayaon diha sa gahom, ang imong tuong kamot, O Ginoo, nagdugmok sa kaaway.

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Exodo 18:1

Si Jetro, ang pari sa Midian, nga ugangan ni Moises nakadungog mahitungod sa tanan nga gibuhat sa Dios kang Moises ug sa Israel nga iyang katawhan, kon giunsa sa Ginoo pagkuha sa Israel gikan sa Ehipto.

Exodo 2:25

Ug nakita sa Dios ang katawhan sa Israel ug ang Dios nahibalo sa ilang kahimtang.

Exodo 23:23

“Kon ang akong anghel mag-una kaninyo ug magdala kaninyo ngadto sa mga Amorihanon, sa mga Hitihanon, sa mga Perisihanon, sa mga Canaanhon, sa mga Hibihanon, sa mga Jebusihanon, ug wagtangon nako sila,

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 7:4

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Numeros 20:14

Ug si Moises nagpadala ug mga sulugoon ngadto sa hari sa Edom gikan sa Cades. “Mao kini ang gisulti ni Israel nga imong igsoon: Ikaw nahibalo sa tanan nga kalisdanan nga miabot kanamo,