Exodo 18:7

Ang Biblia 2011

Si Moises migula sa pagsugat sa iyang ugangan ug miyukbo siya ug mihalok kaniya, ug nagpangutan-anay ang usa ug usa sa mga kaayohan nila ug misulod sila sa tolda.

Cross References

Genesis 14:17

Sa iyang pagpauli gikan sa iyang pagbuntog kang Chedorlaomer ug sa mga hari nga iyang kaabin, ang hari sa Sodoma misugat kaniya didto sa walog sa Sabe, ang Walog sa Hari.

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 29:13

Sa pagkadungog ni Laban sa balita mahitungod kang Jacob, anak sa iyang igsoon nga babaye, midagan siya aron sa pagsugat kaniya. Ug gigakos niya si Jacob ug gihagkan ug gidala niya sa iyang balay. Ug si Jacob misugilon kang Laban sa tanan nga nahitabo.

Genesis 31:28

Ngano nga wala man nimo ako tugoti sa paghalok sa akong mga apo ug sa akong mga anak nga babaye? Karon binuang ang imong gibuhat.

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

Genesis 45:15

Ug mihalok siya sa tanan niyang mga igsoon ug mihilak tungod kanila, ug human niini nakigsulti kaniya ang iyang mga igsoon.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

2 Samuel 11:7

Sa diha nga si Uria miabot na kaniya, si David nangutana kaniya kon naunsa na si Joab ug unsa ang kahimtang sa katawhan ug unsa ang pag-uswag sa gubat.

1 Mga Hari 2:19

Busa si Batseba miadto kang Hari Solomon aron sa pagpakigsulti kaniya alang kang Adonias. Ug ang hari mitindog aron sa pagsugat kang Batseba ug miyukbo kaniya. Unya milingkod siya sa iyang trono, ug gipahimutang ang usa ka lingkoranan nga gidala alang sa inahan sa hari ug siya milingkod dapit sa iyang tuo.

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Exodo 18:6

Ug si Jetro miingon kang Moises, “Ako, ang imong ugangan, si Jetro, mianhi ako kanimo, uban ang imong asawa ug ang imong duha ka anak.”

Exodo 33:7

Naandan ni Moises ang pagkuha sa Tolda ug pabarogon kini sa gawas sa kampo, layo gikan sa kampo, ug ginganlan niya kini ug tolda nga tagboanan. Ug ang matag usa nga mangita sa Ginoo moadto sa tolda nga tagboanan nga didto sa gawas sa kampo.

Exodo 4:27

Unya ang Ginoo miingon kang Aaron, “Adto sa kamingawan aron sa pagsugat kang Moises.” Ug siya miadto ug misugat kang Moises didto sa bukid sa Dios ug mihalok kaniya.

Numeros 22:36

Sa pagkadungog ni Balak nga si Balaam nagsingabot na, migula siya sa pagtagbo kaniya didto sa lungsod sa Moab nga diha sa utlanan sa Arnon nga mao ang kinutoban sa mga utlanan.

Lucas 7:45

Wala ikaw mohalok kanako, apan sukad sa akong pagsulod dinhi, siya walay hunong sa paghalok sa akong mga tiil.

Mga Buhat 20:37

Silang tanan mihilak ug si Pablo ilang gigakos ug gihalokan

Mga Buhat 28:15

Ug ang mga kaigsoonan didto, sa ilang pagkadungog mahitungod kanamo, miadto hangtod sa Taboan ni Apio ug sa Tulo ka Abotanan aron sa pagsugat kanamo. Ug sa iyang pagkakita kanila, si Pablo nagpasalamat sa Dios ug nadasig.

Mga Maghuhukom 11:34

Unya si Jefta miabot sa iyang balay sa Mispa ug nakita niya ang iyang anak nga babaye nga migula aron sa pagsugat kaniya uban ang mga tulunggon ug mga pagsayaw. Bugtong siya nga anak niya; gawas kaniya wala siyay anak nga lalaki o anak nga babaye.

1 Samuel 17:18

Dad-a usab kining napulo ka keso ngadto sa tigmando sa ilang mga linibo, ug tan-awa kon unsa ang kahimtang sa imong mga igsoon ug pagdala ug mga butang gikan kanila.”

1 Samuel 17:22

Ug si David mibilin sa iyang dala ngadto sa tigbantay sa mga dala, ug midagan ngadto sa panon sa kasundalohan ug nakighimamat sa iyang mga igsoon.