Exodo 18:21

Ang Biblia 2011

Dugang pa niini, gikan sa tanang katawhan, pagpili ug mga tawo nga may katakos, mga tawo nga mahadlokon sa Dios, mga tawo nga kasaligan ug nagdumot sa suborno. Ibutang kining mga tawhana ibabaw kanila, ingon nga mga pangulo sa mga linibo, sa mga ginatos, sa mga tag-50, ug sa mga tagnapulo.

Cross References

Genesis 22:12

Ug siya miingon, “Ayaw bakyawa ang imong kamot batok sa bata o magbuhat kaniya sa bisan unsa kay karon akong naila nga ikaw nahadlok sa Dios, sa nakita nako nga wala ikaw maghikaw sa imong bugtong nga anak ngari kanako.”

Genesis 42:18

Sa ikatulo nga adlaw si Jose miingon kanila, “Buhata ninyo kini ug mabuhi kamo kay ako may kahadlok sa Dios.

Genesis 47:6

Ang yuta sa Ehipto anaa sa atubangan nimo, papuy-a sa labing maayong yuta ang imong amahan ug ang imong mga igsoon. Papuy-a sila sa yuta sa Gosen ug kon ikaw adunay nahibaloan nga takos nga tawo diha kanila, ibutang sila ingon nga piniyalan sa akong kahayopan.”

2 Samuel 18:1

Unya gitigom ni David ang katawhan nga uban kaniya ug nagpahiluna ug mga tigmando sa linibo ug mga tigmando sa mga ginatos.

2 Samuel 23:3

Ang Dios sa Israel nagsulti, ang Bato sa Israel nagsulti kanako: Kon ang usa ka tawo maghari sa katawhan uban sa katarong, naghari diha sa kahadlok sa Dios,

1 Mga Hari 18:12

Ug sa diha nga ako mobiya na gikan kanimo, ang Espiritu sa Ginoo magdala kanimo sa dapit nga wala nako mahibaloi, ug busa kon ako moanhi ug magsugilon kang Ahab, ug siya dili makakaplag kanimo, iya akong patyon, bisan ug ako nga imong sulugoon nahadlok sa Ginoo sukad sa akong pagkabatan-on.

1 Mga Hari 18:3

Ug gitawag ni Ahab si Obadias nga tinugyanan sa balay. Si Obadias nagtahod sa Ginoo sa hilabihan gayod.

Esdras 7:25

“Ug ikaw, Ezra, sumala sa kaalam sa imong Dios nga anaa sa imong kamot, pagtudlo ug mga pangulo sa kagamhanan ug mga maghuhukom nga maghukom sa tibuok nga katawhan nga anaa sa lalawigan tabok sa Suba, kadtong tanan nga nahibalo sa mga balaod sa imong Dios, ug kadtong wala mahibalo niini, tudloi ninyo.

Nehemias 5:9

Busa ako miingon, “Ang butang nga inyong gibuhat dili maayo. Dili ba kinahanglan nga kamo maglakaw diha sa pagkahadlok sa atong Dios, aron sa pagsanta sa mga pagtamay sa atong mga kaaway?

Nehemias 7:2

ang Jerusalem akong gitugyan sa akong igsoon nga si Hanani ug kang Ananias nga gobernador sa palasyo kay siya usa ka tawo nga matinumanon gayod ug mahadlokon sa Dios labaw kay sa kadaghanan.

Job 1:1

Dihay usa ka tawo sa yuta sa Uz nga Job ang ngalan. Kining tawhana hingpit ug matarong, mahadlokon sa Dios ug naglikay sa daotan.

Job 29:16

Ako amahan ngadto sa mga kabos ug akong gipangita ang katungod niadtong wala nako mailhi.

Job 31:13

“Kon ako nagsalikway sa katungod sa akong sulugoong lalaki ug sulugoong babaye, sa diha nga sila nagdala ug sumbong batok kanako,

Salmo 15:1

O Ginoo, kinsa man ang magpabilin sa imong Tolda? Kinsa man ang magpuyo sa imong bungtod nga balaan?

Salmo 15:5

wala magpahulam sa iyang salapi aron patuboan, ug wala magdawat ug suborno batok niadtong walay sala. Siya nga nagbuhat niining mga butanga dili gayod matarog.

Exodo 17:9

Ug si Moises miingon kang Josue, “Pagpili gikan kanato ug mga tawo ug panggawas kamo ug pakig-away kamo batok sa Amalek. Ugma motindog ako sa tumoy sa bungtod nga magbitbit sa sungkod sa Dios.”

Exodo 18:25

Ug nagpili si Moises ug mga tawo nga may katakos gikan sa tibuok Israel ug iyang gibutang sila nga mga pangulo sa katawhan, mga pangulo sa mga linibo, sa mga ginatos, sa mga tag-50 ug sa mga tagnapulo.

Mga Panultihon 28:2

Kon ang usa ka yuta makalapas, daghan kini ug mga pangulo; apan uban sa mga tawo nga may panabot ug kahibalo, ang kahimtang niini molungtad ug dugay.

Ecclesiastes 12:13

Kini mao ang kataposan sa maong butang; ang tanan nadungog na. Kahadloki ang Dios, ug tumana ang iyang mga sugo, kay kini mao ang tibuok nga katungdanan sa tawo.

Isaias 16:5

usa ka trono ang tukoron diha sa gugmang walay paglubad diha sa tolda ni David, ug diha niini molingkod sa pagkamatinumanon ang maghukom ug ang mangita sa hustisya ug ang abtik nga mobuhat sa pagkamatarong.”

Isaias 33:15

Siya nga naglakaw nga matarong ug nagsulti nga ligdong, nga nagtamay sa ganansiya gikan sa mga pagpanglupig, nga nagsawilik sa iyang mga kamot aron dili modawat ug suborno, nga nagsampong sa iyang mga dalunggan gikan sa pagpamati mahitungod sa pagpaagas ug dugo, ug nagpiyong sa iyang mga mata gikan sa pagtan-aw sa daotan,

Isaias 59:4

Walay nangaliyupo nga minatarong, walay naghangyo nga matinud-anon; sila nagsalig sa kakawangan ug nagsulti ug mga bakak, sila nagsamkon ug daotan ug nanganak ug kasal-anan.

Jeremias 5:1

Dagan ngadto ug nganhi diha sa kadalanan sa Jerusalem, tan-awa ug hibaloi! Pangitaa diha sa mga hawan nga dapit niini kon makakita ba kamo ug usa ka tawo nga nagbuhat sa hustisya ug nangita sa kamatuoran; aron ako magpasaylo sa Jerusalem.

Ezequiel 18:8

wala magpahulam nga may patong o magdawat ug bisan unsa nga tubo, nagpugong sa iyang kamot gikan sa kasal-anan, nagbuhat sa matuod nga hustisya taliwala sa tawo ug tawo,

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Zacarias 7:9

“Mao kini ang gisulti sa Ginoo sa mga panon: Ipahamtang ang matuod nga paghukom, ug ipakita ang pagkamaayo ug kaluoy, ang matag usa ngadto sa iyang igsoon.

Zacarias 8:16

Mao kini ang mga butang nga inyong buhaton: Isulti ang kamatuoran ngadto sa usa ug usa, ihatag diha sa inyong mga ganghaan ang mga hukom nga matuod ug pagbuhat alang sa kalinaw.

Numeros 1:16

Kini sila mao ang mga gipili gikan sa katilingban, mga pangulo sa mga banay sa ilang katigulangan, sila mao ang pangulo sa mga linibo sa Israel.

Numeros 1:4

Ug uban kaninyo kinahanglan nga may usa ka tawo gikan sa matag banay, ang matag usa pangulo sa panimalay sa iyang katigulangan.

Numeros 10:4

Ug kon patingogon nila ang usa lamang, ang mga pangulo nga nangulo sa mga banay sa Israel magtigom nganha kanimo.

Lucas 18:2

Siya miingon kanila, “Sa usa ka lungsod dihay usa ka maghuhukom nga walay kahadlok sa Dios ug walay pagtahod sa tawo.

Lucas 18:4

Wala una niya kini panumbalinga, apan sa kataposan miingon siya sa iyang kaugalingon, ‘Bisan ug wala ako mahadlok sa Dios ug wala magtahod sa tawo,

Mga Buhat 20:33

Wala ako maibog sa plata o bulawan o bisti ni bisan kinsa.

Mga Buhat 6:3

Busa, mga igsoon, pagpili kamo ug pito ka tawo diha kaninyo nga mga namatud-an, puno sa Espiritu ug sa kaalam nga atong tugyanan niining maong buluhaton.

Deuteronomio 22:18

Unya kuhaon sa mga kadagkoan sa lungsod ang lalaki ug ilang kastigohon siya.

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

Josue 22:14

Ug uban kaniya ang napulo ka pangulo, usa gikan sa matag panimalay sa banay sa Israel. Ang matag usa kanila pangulo sa panimalay diha sa mga banay sa Israel.

1 Samuel 8:12

ug siya magpili alang kaniya ug mga pangulo sa linibo ug mga pangulo sa tag-50 ug ang uban magdaro sa iyang yuta ug mag-ani sa iyang alanihon; ang uban tigbuhat ug mga kasangkapan sa gubat ug mga kasangkapan sa iyang mga karwahi.

1 Samuel 8:3

Apan ang iyang mga anak wala mosubay sa iyang mga pamaagi, kondili misimang ngadto sa pagpanapi. Nanawat sila ug suborno ug nagtuis sa hustisya.