Exodo 18:12

Ang Biblia 2011

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Genesis 26:30

Ug siya naghikay alang kanila ug nangaon sila ug nanginom.

Genesis 31:54

Unya si Jacob naghimo ug halad didto sa bukid ug gitawag niya ang iyang mga kadugo aron sa pagkaon ug pan ug nangaon sila ug pan, ug nagpabilin sila niadtong gabhiona didto sa bukid.

Genesis 4:4

Ug si Abel nagdala usab sa mga kamagulangan sa iyang mga karnero ug sa mga tambok nga bahin niini ug gitagad sa Ginoo si Abel ug ang iyang halad.

Genesis 43:25

ilang giandam ang gasa alang sa pag-abot ni Jose sa udto, kay sila nakadungog nga sila mangaon didto.

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

2 Cronicas 30:22

Si Hesekias misulti nga madasigon ngadto sa tanang mga Levihanon nga adunay kabatid diha sa pag-alagad sa Ginoo. Busa ang katawhan nangaon sa pagkaon sa kasaulogan sulod sa pito ka adlaw, naghalad ug mga halad sa pakigdait ug nagpasalamat sa Ginoo, ang Dios sa ilang mga katigulangan.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Job 42:11

Unya miduol kaniya ang tanang mga igsoon nga lalaki, ug ang tanan niyang mga igsoon nga babaye, ug ang tanan nga kaniadto iyang kaila, ug sa iyang balay nangaon sila uban kaniya. Ug sila nagpakita kaniya ug kaluoy ug naghupay kaniya, tungod sa tanang kadaot nga gipadangat kaniya sa Ginoo. Ug ang matag usa kanila naghatag kaniya ug usa ka buok salapi, ug usa ka singsing nga bulawan.

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Exodo 18:13

Sa pagkaugma milingkod si Moises aron sa paghukom sa katawhan ug ang katawhan nagtindog nga nag-alirong kang Moises sukad sa buntag hangtod sa hapon.

Exodo 2:16

Unya ang pari sa Midian adunay pito ka anak nga babaye ug miadto sila sa pagkalos ug tubig ug gipuno nila ang mga pasungan nga imnanan sa mga karnero sa ilang amahan.

Exodo 2:20

Siya miingon sa iyang mga anak nga babaye, “Hain man siya? Nganong gibiyaan man ninyo siya? Tawga ninyo siya aron makakaon”

Exodo 20:24

Paghimo kamo ug usa ka halaran nga yuta alang kanako, ug ihalad sa ibabaw niini ang inyong mga halad nga sunogon ug ang inyong mga halad sa pakigdait, ang inyong mga karnero, ug ang inyong mga baka. Sa bisan diing dapit diin himoon nako nga mahinumdoman ang akong ngalan, moanha ako kaninyo, ug panalanginan ko kamo.

Exodo 24:11

Ug wala niya bakyawa ang iyang mga kamot ngadto sa mga kadagkoan sa katawhan sa Israel, ug nakakita sila sa Dios ug nangaon sila ug nanginom.

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Exodo 33:7

Naandan ni Moises ang pagkuha sa Tolda ug pabarogon kini sa gawas sa kampo, layo gikan sa kampo, ug ginganlan niya kini ug tolda nga tagboanan. Ug ang matag usa nga mangita sa Ginoo moadto sa tolda nga tagboanan nga didto sa gawas sa kampo.

Daniel 10:3

Ako wala mokaon ug maayong mga pagkaon, walay karne o bino nga misulod sa akong baba, ug wala ako magdihog sa akong kaugalingon, sulod sa tibuok tulo ka semana.

Numeros 10:29

Ug si Moises miingon kang Hobab, ang anak ni Reuel nga Midianhon ug ugangan ni Moises, “Kami manglakaw padulong sa dapit nga giingon sa Ginoo, ‘Ihatag ko kini kaninyo.’ Uban kanamo ug magbuhat kami ug maayo kanimo kay ang Ginoo nagsulti ug maayo mahitungod sa Israel.”

Lucas 14:1

Usa niana ka adlaw nga igpapahulay, sa dihang miadto siya sa balay sa usa ka pangulo nga sakop sa Pariseo aron mokaon, gibantayan nila siya pag-ayo.

Lucas 14:15

Sa pagkadungog niini sa usa sa mga mitambong sa kan-anan, siya miingon kang Jesus, “Bulahan siya nga magkaon didto sa gingharian sa Dios!”

1 Mga Taga-Corinto 10:18

Tan-awa ninyo ang Israel sumala sa ilang gihimo, dili ba sila nga nangaon sa mga halad nga inihaw nakig-ambit man sa halaran?

1 Mga Taga-Corinto 10:21

Kay kamo dili makainom sa kupa sa Ginoo dungan sa kupa sa mga demonyo. Dili usab kamo makaambit sa kan-anan sa Ginoo ug sa kan-anan sa mga demonyo.

1 Mga Taga-Corinto 10:31

Busa kon mokaon kamo o moinom o magbuhat sa bisan unsa, buhata ninyo kining tanan aron sa paghimaya sa Dios.

Deuteronomio 12:7

Ug didto pangaon kamo sa atubangan sa Ginoo nga inyong Dios ug paglipay kamo ug ang inyong panimalay, diha sa tanan ninyong gimbuhaton nga gipanalangin kaninyo sa Ginoo nga inyong Dios.

Deuteronomio 27:7

Ug paghalad kamo ug mga halad sa pakigdait ug pangaon kamo didto. Ug paglipay kamo sa atubangan sa Ginoo nga inyong Dios.