Exodo 18:11

Ang Biblia 2011

Karon naila nako nga ang Ginoo dako kay sa tanang mga dios, kay iyang giluwas ang katawhan gikan sa kamot sa mga Ehiptohanon sa dihang mapagarbohon silang nagdumala sa Israel.”

Cross References

1 Mga Hari 17:24

Ug ang babaye miingon kang Elias, “Karon ako nahibalo nga ikaw usa ka tawo sa Dios ug ang pulong sa Ginoo, diha sa imong baba matuod.”

2 Mga Hari 5:15

Unya mibalik siya ngadto sa tawo sa Dios, siya ug ang tanan niyang kauban, ug miadto ug mitindog sa iyang atubangan ug siya miingon, “Karon, ako nahibalo nga walay Dios sa tanang yuta gawas sa Israel. Busa dawata karon ang usa ka gasa gikan sa imong sulugoon.”

1 Cronicas 16:25

Kay gamhanan ang Ginoo ug takos gayod nga dayegon pag-ayo, ug siya kahadlokan labaw sa tanang mga dios.

2 Cronicas 2:5

Ug ang balay nga akong tukoron dako kay dako ang atong Dios labaw sa tanang mga dios.

Nehemias 9:10

Ug ikaw naghimo ug mga ilhanan ug mga katingalahan batok sa Paraon ug sa tanan niyang mga alagad ug sa tanang katawhan sa iyang yuta. Kay ikaw nahibalo nga sila nagbugalbugal batok sa among mga katiuglangan ug ikaw naghimo ug ngalan alang kanimo nga mao gihapon hangtod niining adlawa.

Nehemias 9:16

“Apan sila ug ang among mga katigulangan nagmapagarbohon ug nagpatikig sa ilang liog ug wala mamati sa imong mga sugo.

Nehemias 9:29

Ug ikaw nagpasidaan kanila aron sa pagpabalik kanila ngadto sa imong Balaod. Apan sila nagmapahitas-on ug wala magtuman sa imong mga sugo, hinuon sila nagpakasala batok sa imong mga tulumanon, nga pinaagi sa pagtuman niini ang tawo mabuhi, ug gipatalikod ang mga gipagahi nga abaga ug gipatikig ang ilang liog ug wala mamati.

Salmo 119:21

Gibadlong nimo ang mga mapahitas-on, ang mga tinunglo nga nangasaag gikan sa imong kasugoan;

Salmo 135:5

Kay nasayod ako nga gamhanan ang Ginoo, ug nga ang atong Ginoo labaw sa tanang mga dios.

Salmo 31:23

Higugmaa ang Ginoo, kamong tanan nga mga balaan niya! Ang Ginoo manalipod sa mga matinumanon, apan panimaslan niya sa makadaghan ang nagbuhat nga mapagarbohon.

Salmo 95:3

Kay ang Ginoo bantogan nga Dios, ug bantogan nga Hari ibabaw sa tanang mga dios.

Salmo 97:9

Kay ikaw, O Ginoo, mao ang labing halangdon ibabaw sa tibuok nga yuta; ikaw nabayaw ibabaw sa tanang mga dios.

Exodo 1:10

Dali kamo, magmaigmat kita sa pagharong kanila, basin unya ug modaghan sila ug kon moabot kanato ang gubat, unya moipon sila sa atong mga kaaway ug makig-away batok kanato ug moikyas gikan sa yuta.”

Exodo 1:16

“Sa diha nga manabang kamo sa mga babayeng Hebreo ug makita ninyo sila diha ibabaw sa angkanan nga lantay, kon lalaki kini patya siya ug kon babaye, mabuhi siya.”

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Exodo 14:18

Ug ang mga Ehiptohanon mahibalo nga ako mao ang Ginoo, sa diha nga himayaon ako ibabaw sa Paraon ug sa iyang mga karwahi ug sa iyang mga tigpangabayo.”

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 15:11

“Kinsa man ang sama kanimo, O Ginoo, taliwala sa mga dios? Kinsa man ang sama kanimo, halangdon diha sa pagkabalaan, kahadlokan diha sa mga mahimayaong buhat, nagbuhat sa mga katingalahan?

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Exodo 5:7

“Ayaw na kamo panghatag ug dagami ngadto sa katawhan alang sa pagbuhat ug tisa ingon sa gihimo hangtod karon. Pasagdi sila nga maoy manguha ug dagami alang sa ilang kaugalingon.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Numeros 33:4

samtang ang mga Ehiptohanon naglubong sa tanan nilang mga kamagulangan nga gipamatay sa Ginoo sa taliwala nila. Ngadto usab sa ilang mga dios, ang Ginoo nagpahamtang ug mga paghukom.

Lucas 1:51

Nagbuhat siya diha sa gahom pinaagi sa iyang bukton, gipatibulaag niya ang mga mapahitas-on diha sa mga pamalandong sa ilang mga kasingkasing.

Santiago 4:6

Apan siya naghatag ug dugang pa nga grasya, busa ang kasulatan nag-ingon, “Ang Dios nagsanta sa mga mapahitas-on, apan sa mga mapaubsanon siya naghatag ug grasya.”

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”

1 Samuel 2:3

Ayaw na pagsulti sa hilabihan nga pagkamapahitas-on, ayaw pagulaa gikan sa imong baba ang pagkagarboso; kay ang Ginoong Dios sa kahibalo, ug pinaagi kaniya ang mga buhat gitimbang.