Exodo 17:7

Ang Biblia 2011

Ug ginganlan niya kadtong dapita ug Masa ug Meriba tungod sa pagpakiglalis sa katawhan sa Israel, ug kay ila mang gisulayan ang Ginoo pinaagi sa pag-ingon, “Ania ba ang Ginoo sa atong taliwala o wala?”

Cross References

Salmo 106:32

Gipasuko nila siya didto sa katubigan sa Meriba, ug si Moises nadaot tungod kanila;

Salmo 78:18

Ilang gisulayan ang Dios diha sa ilang kasingkasing pinaagi sa pagpangayo sa pagkaon nga ilang gitinguha.

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Salmo 81:8

Pamati, O akong katawhan, samtang magpasidaan ako kaninyo! O Israel, kon ikaw mamati lamang unta kanako!

Salmo 95:8

Ayaw pagahia ang inyong kasingkasing, sama didto sa Meriba, sama sa adlaw didto sa Masa, didto sa kamingawan,

Exodo 17:2

Busa ang katawhan nakiglantugi kang Moises ug miingon, “Hatagi kami ug tubig nga mainom.” Ug si Moises miingon kanila, “Ngano ba nga nakiglantugi man kamo kanako? Nganong gisulayan man ninyo ang Ginoo?”

Exodo 34:9

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Isaias 12:6

Singgit ug pag-awit sa kalipay, O ikaw nga nagpuyo sa Zion, kay dako ang Balaan sa Israel diha sa imong taliwala.”

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 20:13

Kini mao ang katubigan sa Meriba diin ang katawhan sa Israel nakiglalis sa Ginoo, ug siya nagpakita nga balaan diha kanila.

Numeros 20:24

“Si Aaron itipon na sa iyang katawhan, kay dili siya makasulod sa yuta nga akong gihatag sa katawhan sa Israel, tungod kay nagmasupilon kamo sa akong pulong didto sa katubigan sa Meriba.

Numeros 27:14

tungod kay misupak man ikaw batok sa akong pulong didto sa kamingawan sa Zin, sa diha nga nagkaguliyang ang katilingban, aron sa pagbalaan kanako didto sa katubigan sa atubangan sa ilang mga mata.” Kini mao ang katubigan sa Meriba sa Cades didto sa kamingawan sa Zin.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Deuteronomio 31:17

Unya ang akong kapungot mosilaob batok kanila nianang adlawa ug ako mobiya kanila, ug tagoon nako ang akong nawong gikan kanila ug mangalaglag sila. Ug daghang kadaotan ug mga kagul-anan ang moabot kanila nga tungod niana moingon sila nianang adlawa, ‘Dili ba nga miabot kanato kining kadaotan tungod kay ang atong Dios wala mag-uban kanato?’

Deuteronomio 33:8

Ug mahitungod kang Levi siya miingon, “Ihatag kang Levi ang imong Tumim, ug ang imong Urim ngadto sa imong balaan, nga imong gisulayan didto sa Masa, nga imong gikaaway didto sa katubigan sa Meriba.

Deuteronomio 6:16

“Ayaw ninyo sulayi ang Ginoo nga inyong Dios sama sa inyong pagsulay kaniya didto sa Masa.

Deuteronomio 9:22

“Ug didto sa Tabera ug sa Masa ug sa Kibrot-hataava gipasuko ninyo ang Ginoo.

Josue 22:31

Ug si Pinehas nga anak ni Eleasar nga pari miingon ngadto sa mga Rubenhanon ug sa mga Gadhanon, ug sa mga Manasehanon, “Karong adlawa nahibalo kita nga ang Ginoo ania sa atong taliwala tungod kay wala kamo magbuhat niining salaa batok sa Ginoo. Karon, giluwas ninyo ang katawhan sa Israel gikan sa kamot sa Ginoo.”