Exodo 17:6

Ang Biblia 2011

Motindog ako sa imong atubangan didto sa ibabaw sa bato sa Horeb ug bunali ang bato. Gikan niini motubod ang tubig nga mainom sa katawhan.” Ug gibuhat kini ni Moises sa atubangan sa mga kadagkoan sa Israel.

Cross References

Nehemias 9:15

Ikaw naghatag kanila ug pan gikan sa langit alang sa ilang kagutom ug nagpadala kanila ug tubig nga gikan sa bato alang sa ilang kauhaw, ug ikaw nagsugo kanila sa pag-adto aron sa pagpanag-iya sa yuta nga imong gipanumpa nga ihatag kanila.

Salmo 105:41

Iyang giabli ang bato, ug mibuswak ang tubig; midagayday kini ngadto sa mga dapit nga uga sama sa usa ka suba.

Salmo 114:8

nga maoy naghimo sa bato nga lim-aw sa tubig, ang bato nga santik ngadto sa usa ka tuboran sa mga tubig.

Salmo 46:4

Adunay usa ka suba nga ang mga sapa niini makalipay sa siyudad sa Dios, ang balaang puluy-anan sa Labing Halangdon.

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Salmo 78:18

Ilang gisulayan ang Dios diha sa ilang kasingkasing pinaagi sa pagpangayo sa pagkaon nga ilang gitinguha.

Salmo 78:20

Gibunalan niya ang bato aron mobuhagay ang tubig, ug ang mga sapa nagbaha. Makahimo ba usab siya sa paghatag ug pan, o makahatag ba siya ug unod alang sa iyang katawhan?”

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Exodo 14:16

Unya bakyawa ang imong sungkod ug ituy-od ang imong kamot ibabaw sa dagat ug bahina kini, aron ang katawhan sa Israel makalakaw sa uga nga yuta diha sa dagat.

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Isaias 48:21

Sila wala uhawa sa diha nga iyang gigiyahan sila latas sa mga kamingawan; iyang gipabuhagay ang mga tubig gikan sa bato alang kanila; iyang gipikas ang bato ug ang tubig mibuhagay.

Numeros 20:8

“Kuhaa ang sungkod ug tigoma ang katilingban, ikaw ug si Aaron nga imong igsoon ug sultihi ang bato sa atubangan sa ilang mga mata aron kini maghatag sa iyang tubig ug magkuha ikaw ug tubig gikan sa bato alang kanila ug paimnon nimo ang katilingban ug ang ilang mga kahayopan.”

Juan 4:10

Si Jesus mitubag kaniya, “Kon nasayod pa ikaw sa gasa sa Dios ug kon kinsa kining nag-ingon kanimo, ‘Paimna ako,’ mangayo gayod unta ikaw kaniya ug ikaw hatagan unta niya sa buhi nga tubig.”

Juan 4:14

apan si bisan kinsa nga moinom sa tubig nga akong ihatag kaniya dili na gayod uhawon hangtod sa kahangtoran kay ang tubig nga akong ihatag kaniya mahimo diha sa sulod niya nga usa ka tubod sa tubig nga mobul-og ngadto sa kinabuhing dayon.”

1 Mga Taga-Corinto 10:4

ug silang tanan nanginom sa samang espirituhanong ilimnon. Kay sila nanginom man gikan sa espirituhanong Bato nga misunod kanila, ug ang maong Bato mao si Cristo.

Deuteronomio 1:2

Napulo ug usa ka adlaw kini nga panaw gikan sa Horeb agi sa dalan sa Bukid sa Seir ngadto sa Kades-barnea.

Deuteronomio 8:15

kaniya nga nagmando kaninyo latas sa usa ka dako ug makalilisang nga kamingawan, diin adunay mga pintas nga bitin ug mga tanga ug yuta sa kauhaw diin walay tubig, kaniya nga nagdala ug tubig alang kaninyo gikan sa batong bantilis,

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.