Exodo 17:2

Ang Biblia 2011

Busa ang katawhan nakiglantugi kang Moises ug miingon, “Hatagi kami ug tubig nga mainom.” Ug si Moises miingon kanila, “Ngano ba nga nakiglantugi man kamo kanako? Nganong gisulayan man ninyo ang Ginoo?”

Cross References

Salmo 106:13

Apan dali silang nalimot sa iyang mga buhat; wala sila maghulat sa iyang tambag.

Salmo 106:14

Hinuon nagbaton sila ug hilabihan nga kahidlaw didto sa kamingawan, ug gisulayan nila ang Dios didto sa kamingawan;

Salmo 78:18

Ilang gisulayan ang Dios diha sa ilang kasingkasing pinaagi sa pagpangayo sa pagkaon nga ilang gitinguha.

Salmo 78:41

Miusab pa gayod sila sa pagsulay sa Dios, ug mihagit sa Balaan sa Israel.

Salmo 78:56

Bisan pa niini, sila misukol ug misulay sa Labing Halangdon nga Dios, ug wala sila magbantay sa iyang mga pagpamatuod,

Salmo 95:8

Ayaw pagahia ang inyong kasingkasing, sama didto sa Meriba, sama sa adlaw didto sa Masa, didto sa kamingawan,

Salmo 95:9

sa dihang gisulayan ako sa inyong katigulangan, ug gisuta ako, bisan ug nakita nila ang akong buhat.

Exodo 15:24

Ug ang katawhan nagbagulbol batok kang Moises nga nag-ingon, “Unsa may atong imnon?”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Exodo 17:7

Ug ginganlan niya kadtong dapita ug Masa ug Meriba tungod sa pagpakiglalis sa katawhan sa Israel, ug kay ila mang gisulayan ang Ginoo pinaagi sa pag-ingon, “Ania ba ang Ginoo sa atong taliwala o wala?”

Exodo 5:21

Ug ang mga kapatas miingon kanila, “Makita unta sa Ginoo ang inyong gibuhat ug hukman kamo kay gihimo ninyo kami nga dulumtanan sa mga mata sa Paraon ug sa mga mata sa iyang mga sulugoon ug nagbutang ug espada diha sa ilang mga kamot aron sa pagpatay kanamo.”

Isaias 7:12

Apan si Ahas miingon, “Dili ako mangayo ug dili nako sulayan ang Ginoo.”

Malaquias 3:15

Ug karon ang mga mapahitas-on atong gitawag nga bulahan. Ang mga tigbuhat ug daotan wala lamang magmauswagon apan sa dihang gisulayan nila ang Dios sila nakaikyas.’ ”

Numeros 14:2

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Mateo 4:7

Si Jesus miingon kaniya, “Nasulat usab kini, ‘Ayaw tintala ang Ginoo nga imong Dios.’ ”

Lucas 15:12

ug ang manghod miingon sa iyang amahan, ‘Amahan ko, ihatag kanako ang akong bahin sa kabtangan.’ Ug iyang gibahin ang iyang kabtangan ngadto sa matag usa kanila.

Lucas 4:12

Ug si Jesus mitubag kaniya, “Giingon, ‘Ayaw tintala ang Ginoo nga imong Dios.’”

Mga Buhat 15:10

Busa karon, nganong inyo mang gisulayan ang Dios pinaagi sa pagbutang ug yugo diha sa liog sa mga tinun-an, nga bisan gani ang atong mga katigulangan ug kita wala makahimo sa pagpas-an?

Mga Buhat 5:9

Apan si Pedro miingon kaniya, “Naunsa ba nga nagkasabot man kamo sa pagtintal sa Espiritu sa Ginoo? Tan-awa, anaa na sa pultahan ang mga tiil sa mga naglubong sa imong bana ug ikaw yayongan nila paingon sa gawas.”

1 Mga Taga-Corinto 10:9

Dili nato sulayon ang Cristo sama sa gibuhat sa uban kanila nga tungod niana gipanglaglag sila sa mga bitin.

Deuteronomio 6:16

“Ayaw ninyo sulayi ang Ginoo nga inyong Dios sama sa inyong pagsulay kaniya didto sa Masa.

Deuteronomio 9:22

“Ug didto sa Tabera ug sa Masa ug sa Kibrot-hataava gipasuko ninyo ang Ginoo.

Mga Hebreo 3:9

diin ang inyong mga katigulangan misulay kanako, ug nakita nila ang akong mga buhat sulod sa 40 ka tuig.

1 Samuel 8:6

Apan kini wala makapahimuot kang Samuel sa diha nga sila nag-ingon, “Hatagi kami ug usa ka hari nga maoy mangulo kanamo.” Ug si Samuel nag-ampo sa Ginoo,