Exodo 17:13

Ang Biblia 2011

Ug gibuntog ni Josue ang Amalek ug ang katawhan niini pinaagi sa sulab sa espada.

Cross References

Exodo 17:12

Apan ang mga kamot ni Moises gikapoy busa mikuha sila ug usa ka bato ug gibutang kini sa ubos niya ug milingkod siya niini. Ug gisangga ni Aaron ug ni Hur ang iyang mga kamot, ang usa sa usa ka kilid, ug ang usa didto sa pikas. Ug ang iyang mga kamot nagpabiling inisa hangtod sa pagsalop sa adlaw.

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Josue 10:28

Ug nakuha ni Josue ang Makeda niadtong adlawa ug iyang gipatay pinaagi sa sulab sa iyang espada ang hari niini. Gilaglag niya sa hingpit ang tanang tawo nga didto ug walay usa nga iyang gibilin, ug gihimo niya ngadto sa hari sa Makeda ang gibuhat niya sa hari sa Jerico.

Josue 10:32

Gihatag sa Ginoo ang Lakis ngadto sa kamot sa Israel ug gikuha niya kini sa ikaduhang adlaw ug gitigbas niya kini pinaagi sa sulab sa espada ug ang tanang tawo niini sama sa iyang gibuhat sa Libna.

Josue 10:37

Ug gikuha nila kini ug gitigbas pinaagi sa sulab sa espada ug ang hari niini ug ang kalungsoran niini ug ang tanang tawo nga diha niini. Walay usa nga iyang gibilin sama sa iyang gibuhat didto sa Eglon, iya kining gilaglag sa hingpit ug ang tanang tawo nga diha niini.

Josue 10:42

Ug ang tanang hari ug ang ilang mga yuta gikuha ni Josue sa usa ka higayon kay ang Ginoong Dios sa Israel nakig-away alang sa Israel.

Josue 11:12

Ug ang tanang mga siyudad niadtong mga haria ug ang tanan nilang mga hari gikuha ni Josue, ug gipanigbas pinaagi sa sulab sa espada, ug gihurot gayod paglaglag sumala sa gisugo ni Moises, ang alagad sa Ginoo.

Josue 8:26

Kay wala ipaubos ni Josue ang iyang kamot nga nag-isa sa bangkaw hangtod nga nahurot pagkalaglag ang tanang nagpuyo sa Ai.