Exodo 16:9

Ang Biblia 2011

Unya si Moises miingon kang Aaron, “Sultihi ang tibuok katilingban sa katawhan sa Israel, ‘Duol kamo sa atubangan sa Ginoo, kay siya nakadungog sa inyong mga pagbagulbol.’ ”

Cross References

Exodo 16:2

Ug ang tibuok katilingban sa katawhan sa Israel nagbagulbol batok kang Moises ug batok kang Aaron didto sa kamingawan.

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.

Numeros 16:16

Ug si Moises miingon kang Korah, “Kinahanglan nga ikaw ug ang tanan nimong kaubanan moduol sa atubangan sa Ginoo, ikaw, ug silang tanan ug si Aaron, ugma.