Exodo 16:8

Ang Biblia 2011

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Cross References

Exodo 16:12

“Ako nakadungog sa mga pagbagulbol sa katawhan sa Israel. Ingna sila, ‘Sa pagkagabii mangaon kamo ug unod ug sa pagkabuntag mangabusog kamo sa pan, unya mahibalo kamo nga ako mao ang Ginoo nga inyong Dios.’ ”

Exodo 16:9

Unya si Moises miingon kang Aaron, “Sultihi ang tibuok katilingban sa katawhan sa Israel, ‘Duol kamo sa atubangan sa Ginoo, kay siya nakadungog sa inyong mga pagbagulbol.’ ”

Exodo 17:2

Busa ang katawhan nakiglantugi kang Moises ug miingon, “Hatagi kami ug tubig nga mainom.” Ug si Moises miingon kanila, “Ngano ba nga nakiglantugi man kamo kanako? Nganong gisulayan man ninyo ang Ginoo?”

Isaias 32:6

Kay ang buangbuang mosulti sa binuang, ug ang iyang hunahuna naglaraw ug kasal-anan: sa pagbuhat ug pagpasipala, sa pagsulti ug sayop mahitungod sa Ginoo, sa dili pagpakaon sa mga gigutom ug sa paghikaw sa mainom gikan sa giuhaw.

Isaias 37:29

Tungod kay ikaw nasuko kanako ug ang imong pagkamapahitas-on miabot sa akong dalunggan, ibutang nako ang akong kaw-it diha sa imong ilong, ug ang akong bokado diha sa imong baba; ug pabalikon ko ikaw sa dalan nga imong giagian.’

Numeros 11:18

Ug ingna ang katawhan, ‘Pagbalaan kamo alang sa pagkaugma ug mangaon kamo ug karne, kay nanghilak kamo diha sa pangdungog sa Ginoo ug nag-ingon, “Kinsa man ang maghatag kanato ug karne nga atong makaon? Kay maayo pa ang atong kahimtang sa didto pa kita sa Ehipto.” Busa ang Ginoo maghatag kaninyo ug karne ug mangaon kamo.

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.

Numeros 21:7

Ug ang katawhan miadto kang Moises ug miingon, “Nakasala kami tungod kay kami nagsulti batok sa Ginoo ug batok kanimo. Pag-ampo sa Ginoo nga kuhaon niya ang mga bitin gikan kanamo.” Ug si Moises nag-ampo alang sa katawhan.

Mateo 10:40

“Ang nagdawat kaninyo nagdawat kanako ug ang nagdawat kanako nagdawat sa nagpadala kanako.

Mateo 9:4

Apan si Jesus nga nasayod sa ilang mga hunahuna, miingon kanila, “Nganong naghunahuna man kamo ug daotan diha sa inyong mga kasingkasing?

Lucas 10:16

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Juan 13:20

Sa pagkatinuod gayod, sultihan ko kamo nga ang nagdawat kang bisan kinsa nga akong ipadala magdawat kanako ug ang modawat kanako magdawat kaniya nga nagpadala kanako.”

Roma 13:2

Busa ang nakigbatok sa mga anaa sa kagahom misukol batok sa tinukod sa Dios, ug ang mosukol mahiagom sa hukom sa silot.

1 Mga Taga-Corinto 10:10

Ug dili kita magbagolbol, sama sa gibuhat sa uban kanila busa gilaglag sila sa tiglaglag.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

1 Samuel 8:7

ug ang Ginoo miingon kang Samuel, “Pamatia ang tingog sa katawhan sa tanan nga ilang gisulti kanimo kay sila wala magsalikway kanimo, hinuon nagsalikway sila kanako sa akong paghari kanila.