Exodo 16:7

Ang Biblia 2011

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Cross References

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Exodo 16:12

“Ako nakadungog sa mga pagbagulbol sa katawhan sa Israel. Ingna sila, ‘Sa pagkagabii mangaon kamo ug unod ug sa pagkabuntag mangabusog kamo sa pan, unya mahibalo kamo nga ako mao ang Ginoo nga inyong Dios.’ ”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Exodo 24:10

Ug ilang nakita ang Dios sa Israel ug diha sa ubos sa iyang mga tiil ang daw usa ka agianan nga safiro ug sama sa langit gayod ang iyang katin-aw.

Exodo 24:16

Ang himaya sa Ginoo mipahiluna diha sa Bukid sa Sinai ug ang panganod mitabon niini sulod sa unom ka adlaw, ug sa ikapitong adlaw gitawag niya si Moises gikan sa taliwala sa panganod.

Exodo 40:34

Unya ang panganod mitabon sa tolda nga tagboanan ug ang himaya sa Ginoo milukop sa Tolda.

Isaias 35:2

kini mamulak pag-ayo, ug maglipay uban sa kasadya ug pag-awit. Ang himaya sa Lebanon ihatag ngadto niini, ang katahom sa Carmelo ug sa Sharon. Sila makakita sa himaya sa Ginoo, sa kahalangdon sa atong Dios.

Isaias 40:5

Unya ang himaya sa Ginoo ipadayag, ug ang tanang tawo makakita niini, kay ang baba sa Ginoo nagsulti niini.”

Levitico 9:6

Unya si Moises miingon, “Kini mao ang gisugo sa Ginoo nga buhaton ninyo ug ang himaya sa Ginoo magpakita kaninyo.”

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.

Numeros 16:11

Tungod niini, ikaw ug ang tanan nimong kaubanan naghiusa sa pagtigom batok sa Ginoo. Unsa ba si Aaron, nga nagbagulbol man kamo batok kaniya?”

Numeros 16:42

Ug nagtigom ang katilingban batok kang Moises ug batok kang Aaron, mipaatubang sila sa tolda nga tagboanan ug unya ang panganod mitabon niini, ug ang himaya sa Ginoo mipakita.

Numeros 17:5

Ug ang sungkod niadtong tawo nga akong pilion manalingsing, ug sa ingon niini pahunongon nako ang mga pagbagulbol sa katawhan sa Israel, ang ilang gibagulbol batok kaninyo.”

Juan 11:4

Apan sa pagkadungog niini ni Jesus, siya miingon, “Kining sakita dili ikamatay, kondili alang kini sa himaya sa Dios, aron ang Anak sa Dios himayaon pinaagi niini.”

Juan 11:40

Si Jesus mitubag kaniya, “Wala ba ako mag-ingon kanimo nga kon motuo ikaw makita nimo ang himaya sa Dios?”