Exodo 16:3

Ang Biblia 2011

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Cross References

2 Samuel 18:33

Ug natay-og pag-ayo ang pagbati sa hari ug misaka ngadto sa lawak nga didto sa ibabaw sa ganghaan ug mihilak. Ug sa iyang pag-adto, siya miingon, “O akong anak nga Absalom, anak ko, anak kong Absalom! Maayo pa unta kon ako ang namatay sa imong dapit ug dili ikaw, O Absalom, anak ko, anak ko!”

Job 3:1

Human niini gibuka ni Job ang iyang baba ug gipanghimaraot ang adlaw sa iyang pagkahimugso.

Job 3:10

tungod kay wala man tak-opi niini ang mga pultahan sa tagoangkan sa akong inahan, o tagoi ang kasamok gikan sa akong mga mata.

Job 3:20

“Ngano nga ang kahayag gihatag man kaniya nga anaa sa kaalaot, ug ang kinabuhi ngadto sa kalag nga anaa sa kapait,

Salmo 107:5

gigutom ug giuhaw, ang ilang mga kalag nangaluya sa sulod nila.

Salmo 78:19

Misulti sila batok sa Dios, nga nag-ingon, “Makahimo ba ang Dios sa paglatad ug usa ka lamisa dinhi sa kamingawan?

Salmo 78:25

Ang tawo mikaon sa pan sa mga anghel; siya nagpadala kanila ug daghan nga pagkaon.

Exodo 14:11

Ug sila miingon kang Moises, “Tungod ba kay walay mga lubnganan sa Ehipto nga gikuha nimo kami aron mangamatay sa kamingawan? Unsa ba kining imong gibuhat kanamo sa imong pagdala kanamo gawas sa Ehipto?

Exodo 17:3

Apan ang katawhan giuhaw ug tubig ug nagbagulbol sila batok kang Moises ug miingon, “Ngano bang gidala man kami nimo gikan sa Ehipto aron patyon sa kauhaw, kami ug ang among mga anak ug ang among kahayopan?”

Exodo 2:23

Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon.

Exodo 5:21

Ug ang mga kapatas miingon kanila, “Makita unta sa Ginoo ang inyong gibuhat ug hukman kamo kay gihimo ninyo kami nga dulumtanan sa mga mata sa Paraon ug sa mga mata sa iyang mga sulugoon ug nagbutang ug espada diha sa ilang mga kamot aron sa pagpatay kanamo.”

Jeremias 2:6

Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Jeremias 42:14

ug mag-ingon, ‘Dili, moadto hinuon kami sa yuta sa Ehipto, diin dili kami makakita ug gubat o makadungog ug tingog sa trumpeta o gutomon ug pan ug mopuyo kami didto,’

Jeremias 44:17

Apan buhaton namo ang tanan nga among gipaanad, ang pagsunog ug insenso alang sa rayna sa langit, ug pagtagay ug halad nga ilimnon alang kaniya, sama sa among gihimo, kami ug ang among mga katigulangan, ang among mga hari ug ang among mga prinsipe, sa mga siyudad sa Juda ug sa kadalanan sa Jerusalem kay kami kaniadto daghan ug pagkaon, ug miuswag, ug wala makakita ug kadaotan.

Mga Pagbangotan 4:9

Maayo pa ang mga gipamatay sa espada kay sa mga nangamatay sa gutom, nga naghigos, nag-antos sa kakulang sa mga bunga sa uma.

Numeros 11:15

Ug kon mao kini ang imong buhaton kanako, patya ako dayon, kon ako nakakaplag ug kahimuot sa imong panan-aw ug ayaw ako pakitaa sa akong pagkaalaot.”

Numeros 11:20

kondili sa usa ka bulan gayod hangtod nga kini manggula sa inyong mga ilong ug lud-on kamo niini tungod kay gisalikway ninyo ang Ginoo nga anaa sa taliwala ninyo ug nanghilak kamo sa atubangan niya nga nag-ingon, “Ngano man nga nanggula kita gikan sa Ehipto?” ’ ”

Numeros 14:2

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Numeros 14:3

Ug nganong gidala man kami sa Ginoo niining yutaa aron mangapukan pinaagi sa espada? Ang among mga asawa ug ang among kabataan mahimo nga tukbonon. Dili ba maayo pa kanamo nga mamalik sa Ehipto?”

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 16:41

Apan sa pagkaugma ang tibuok nga katilingban sa katawhan sa Israel nagbagulbol batok kang Moises ug batok kang Aaron nga nag-ingon, “Gipatay ninyo ang katawhan sa Ginoo.”

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Mga Buhat 26:29

Ug si Pablo miingon, “Sa mubo o taas, nag-ampo ako sa Dios nga dili lamang ikaw ra kondili ang tanan usab nga nakadungog kanako karong adlawa mahimo untang sama kanako, gawas niining mga kadena.”

1 Mga Taga-Corinto 4:8

Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!

2 Mga Taga-Corinto 11:1

Buot unta ako nga kamo moantos kanako sa usa ka gamayng binuang! Apan antosa lang gayod ninyo kini uban kanako!

Deuteronomio 28:67

Sa pagkabuntag kamo moingon, ‘Maayo unta kon hapon na!’ ug sa pagkagabii kamo moingon, ‘Maayo unta kon buntag na!’ tungod sa makalilisang nga kahadlokan sa inyong mga kasingkasing ug tungod sa talan-awon nga makita sa inyong mga mata.

Deuteronomio 8:3

Ug kamo iyang gipaubos ug gipagutoman ug gipakaon kamo niya sa mana nga wala ninyo mailhi, bisan ang inyong katigulangan wala makaila niini, aron kamo iyang mapahibalo nga ang tawo dili mabuhi sa pan lamang, kondili sa tanang butang nga mogula gikan sa baba sa Ginoo mabuhi ang tawo.

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!