Exodo 16:29

Ang Biblia 2011

Tan-awa, ang Ginoo naghatag kaninyo sa adlaw nga igpapahulay ug tungod niini sa ikaunom nga adlaw siya naghatag kaninyo ug pan alang sa duha ka adlaw. Ang matag usa kinahanglang magpabilin sa iyang puluy-anan ug walay si bisan kinsa nga mogawas sa iyang dapit sa ikapito nga adlaw.”

Cross References

Nehemias 9:14

Ikaw nagpahibalo kanila sa imong balaang adlaw nga igpapahulay ug naghatag kanila ug mga sugo ug kalagdaan ug usa ka Balaod pinaagi kang Moises nga imong alagad.

Exodo 16:28

Ug ang Ginoo miingon kang Moises, “Hangtod kanus-a ba kamo magdumili sa akong kasugoan ug sa akong mga balaod?

Exodo 16:30

Busa ang katawhan mipahulay sa ikapito nga adlaw.

Exodo 31:13

“Sultihi ang katawhan sa Israel, ‘Tumana ninyo ang akong mga adlaw nga igpapahulay kay kini mao ang usa ka timaan taliwala kanako ug kaninyo hangtod sa tanan ninyong mga kaliwatan, aron kamo mahibalo nga ako mao ang Ginoo nga nagbalaan kaninyo.

Ezequiel 20:12

Gihatag usab nako kanila ang akong mga adlawng igpapahulay, aron mahimong usa ka timaan taliwala kanako ug kanila, aron sila makaila nga ako, ang Ginoo, nagbalaan kanila.

Levitico 25:21

Magpadala unya ako sa akong panalangin kaninyo sa ikaunom nga tuig, ug kini magpabunga alang sa tulo ka tuig.

Mateo 24:20

Pag-ampo kamo nga unta ang inyong pagpangagiw dili mahiatol sa tingtugnaw o sa adlaw nga igpapahulay.

Lucas 23:56

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.