Exodo 16:25

Ang Biblia 2011

Ug si Moises miingon, “Kan-a ninyo kini karon, kay karon mao ang adlaw nga igpapahulay alang sa Ginoo. Karon dili kamo makakaplag niini sa kapatagan.

Cross References

Nehemias 9:14

Ikaw nagpahibalo kanila sa imong balaang adlaw nga igpapahulay ug naghatag kanila ug mga sugo ug kalagdaan ug usa ka Balaod pinaagi kang Moises nga imong alagad.

Exodo 16:23

si Moises miingon kanila, “Kini mao ang gisugo sa Ginoo, ‘Ugma mao ang adlaw sa pagpahulay, balaan nga adlaw nga igpapahulay alang sa Ginoo. Busa lutoa ang buot ninyong lutoon ug lung-aga ang buot ninyong lung-agon, ang tanang nasalin ninyo, tipigi hangtod sa pagkabuntag.’ ”

Exodo 16:24

Ug ila kining gitipigan hangtod sa pagkabuntag sumala sa gisugo ni Moises ug kini wala mapan-os ug kini walay ulod usab.

Exodo 16:26

Manguha kamo niini sulod sa unom ka adlaw apan sa ikapito nga adlaw nga mao ang adlaw nga igpapahulay, dili na makaplagan kini.”

Exodo 16:29

Tan-awa, ang Ginoo naghatag kaninyo sa adlaw nga igpapahulay ug tungod niini sa ikaunom nga adlaw siya naghatag kaninyo ug pan alang sa duha ka adlaw. Ang matag usa kinahanglang magpabilin sa iyang puluy-anan ug walay si bisan kinsa nga mogawas sa iyang dapit sa ikapito nga adlaw.”