Exodo 16:15

Ang Biblia 2011

Sa pagkakita sa katawhan sa Israel niini, miingon ang usa ngadto sa usa, “Unsa man kini?” Kay wala man sila makaila kon unsa kadto. Ug si Moises miingon kanila, “Mao kana ang pan nga gihatag sa Ginoo kaninyo aron kaonon.

Cross References

Nehemias 9:15

Ikaw naghatag kanila ug pan gikan sa langit alang sa ilang kagutom ug nagpadala kanila ug tubig nga gikan sa bato alang sa ilang kauhaw, ug ikaw nagsugo kanila sa pag-adto aron sa pagpanag-iya sa yuta nga imong gipanumpa nga ihatag kanila.

Nehemias 9:20

Ikaw naghatag sa imong maayong Espiritu aron sa pagtudlo kanila ug wala maghikaw sa mana gikan sa ilang baba, ug naghatag kanila sa tubig alang sa ilang kauhaw.

Salmo 105:40

Sila nangayo, ug gipadad-an niya sila ug mga buntog, ug gibusog sila sa pan gikan sa langit.

Salmo 78:24

ug gipaulanan niya sila ug mana aron kaonon, ug gihatagan sila ug pagkaon gikan sa langit.

Exodo 16:31

Ang panimalay sa Israel nagtawag niini ug mana. Sama kini sa liso sa koriandro, puti, ug ang lami niini sama sa pan nga nipis nga may dugos.

Exodo 16:33

Ug si Moises miingon kang Aaron, “Pagkuha ug usa ka banga ug sudli kini ug usa ka omer nga mana ug ibutang kini sa atubangan sa Ginoo, aron tipigan hangtod sa inyong mga kaliwatan.”

Exodo 16:4

Unya ang Ginoo miingon kang Moises, “Tan-awa, magpaulan ako ug pan gikan sa langit alang kaninyo, ug ang katawhan manggula ug manguha matag adlaw ug igo alang sa usa ka adlaw, aron kasulayan nako sila kon magsubay ba sila diha sa akong balaod o dili.

Mga Panultihon 9:5

“Dali, kaon sa akong pan ug inom sa bino nga akong gisagol.

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Lucas 12:30

Kay ang tanang mga tawo sa kalibotan nangita man niining mga butanga, ug ang inyong Amahan nahibalo nga kamo nagkinahanglan niini.

Juan 6:49

Ang inyong mga katigulangan nangaon sa mana didto sa kamingawan ug nangamatay sila.

Juan 6:58

Mao kini ang pan nga nanaog gikan sa langit, dili sama niadtong gikaon sa inyong mga katigulangan, ug nangamatay sila. Siya nga mokaon niining maong pan mabuhi sa dayon.”

1 Mga Taga-Corinto 10:3

ug silang tanan nangaon sa samang espirituhanong pagkaon,

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

Deuteronomio 8:3

Ug kamo iyang gipaubos ug gipagutoman ug gipakaon kamo niya sa mana nga wala ninyo mailhi, bisan ang inyong katigulangan wala makaila niini, aron kamo iyang mapahibalo nga ang tawo dili mabuhi sa pan lamang, kondili sa tanang butang nga mogula gikan sa baba sa Ginoo mabuhi ang tawo.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

Josue 5:12

Ug ang mana nahunong sa adlaw nga nangaon sila sa abot sa yuta, ug ang katawhan sa Israel wala nay mana, apan nangaon sa abot sa yuta sa Canaan niadtong tuiga.

Gipadayag 2:17

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug mana nga tinagoan, ug hatagan nako siya ug usa ka bato nga puti nga gisulatan ug usa ka bag-ong ngalan nga dili masabot ni bisan kinsa gawas niadtong nagdawat niini.’