Exodo 16:12

Ang Biblia 2011

“Ako nakadungog sa mga pagbagulbol sa katawhan sa Israel. Ingna sila, ‘Sa pagkagabii mangaon kamo ug unod ug sa pagkabuntag mangabusog kamo sa pan, unya mahibalo kamo nga ako mao ang Ginoo nga inyong Dios.’ ”

Cross References

1 Mga Hari 20:28

Unya usa ka tawo sa Dios miduol ug miingon sa hari sa Israel, “Mao kini ang gisulti sa Ginoo, ‘Tungod kay ang mga Sirianhon nag-ingon, “Ang Ginoo usa ka dios sa kabungtoran, apan dili siya dios sa mga walog,” busa itugyan nako kining dakong panon nganha sa imong kamot, ug ikaw mahibalo nga ako mao ang Ginoo.’ ”

Salmo 105:40

Sila nangayo, ug gipadad-an niya sila ug mga buntog, ug gibusog sila sa pan gikan sa langit.

Exodo 12:6

ug ilain ninyo kini hangtod sa ikanapulo ug upat nga adlaw sa maong bulan. Ang tibuok katigoman sa katilingban sa Israel mag-ihaw niini sa pagkahapon.

Exodo 16:11

Ug ang Ginoo miingon kang Moises,

Exodo 4:5

“Unya sila motuo nga nagpakita kanimo ang Ginoo, ang Dios sa ilang mga katigulangan, ang Dios ni Abraham, ang Dios ni Isaac ug ang Dios ni Jacob.”

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Exodo 7:17

Mao kini ang giingon sa Ginoo: Pinaagi niini makaila ikaw nga ako mao ang Ginoo, tan-awa, akong hampakon sa sungkod nga ania sa akong kamot ang tubig nga anaa sa suba sa Nilo ug kini mahimong dugo.

Jeremias 31:24

Ug ang Juda ug ang tanang mga siyudad niini maghiusa sa pagpuyo didto, ug ang mga mag-uuma ug kadtong nagsuroysuroy uban sa mga panon.

Ezequiel 34:30

Unya sila makaila nga ako, ang Ginoo nga ilang Dios, nag-uban kanila, ug nga sila, ang balay sa Israel, mao ang akong katawhan, nag-ingon ang Ginoong Dios.

Ezequiel 35:13

Ug pinaagi sa inyong baba kamo nagpadako sa inyong kaugalingon batok kanako ug nagpadaghan sa inyong mga pulong batok kanako. Ako nakadungog niini.

Ezequiel 39:22

Busa ang balay sa Israel makaila nga ako mao ang Ginoo nga ilang Dios, sukad nianang adlawa ug sa umaabot.

Joel 3:17

“Busa kamo makaila nga ako mao ang Ginoo nga inyong Dios, nga nagpuyo sa Zion nga akong bukid nga balaan. Unya ang Jerusalem mabalaan ug didto wala nay langyaw nga molatas niini pag-usab.

Levitico 11:44

Kay ako mao ang Ginoo nga inyong Dios. Balaana ninyo ang inyong kaugalingon ug pagbalaan kamo kay ako balaan man. Ayaw ninyo hugawi ang inyong kaugalingon sa bisan unsa nga mananap nga nagkamang sa ibabaw sa yuta.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Numeros 11:4

Ug ang nagkalainlaing panon sa katawhan nga uban kanila gibati ug hilabihang kahidlaw ug ang katawhan sa Israel mituaw pag-usab ug miingon, “Maayo unta ug may karne kitang makaon!

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.