Exodo 15:8

Ang Biblia 2011

Pinaagi sa gininhawa sa imong ilong napundok ang katubigan, ang katubigan mibarog sama sa usa ka tinapok; ang kinahiladman nabantok sa kinataliwad-an sa dagat.

Cross References

2 Samuel 22:16

Unya ang mga agianan sa dagat nakita, ang mga patukoranan sa kalibotan nadayag sa pagbadlong sa Ginoo, sa paghuyop sa gininhawa sa iyang ilong.

Job 4:9

Pinaagi sa gininhawa sa Dios sila nalaglag, ug pinaagi sa pangusmo sa iyang kasuko sila nangaut-ot.

Salmo 33:7

Gitigom niya ang mga tubig sa dagat sama nga diha sa usa ka tibod; gibutang niya ang mga kahiladman diha sa balay tigomanan.

Salmo 78:13

Gibahin niya ang dagat ug gipalatas niya sila niini, ug iyang gihimo ang katubigan ingon sa usa ka pinundok nga nagbarog.

Exodo 14:29

Apan ang katawhan sa Israel nanglakaw sa uga nga yuta taliwala sa dagat ug ang tubig nahimong sama sa paril sa ilang tuo ug sa ilang wala.

Isaias 11:4

kondili pinaagi sa pagkamatarong maghukom siya sa mga kabos, ug maghukom uban ang katul-id alang sa mga mapaubsanon sa yuta, ug hampakon niya ang yuta pinaagi sa bunal sa iyang baba, ug pinaagi sa gininhawa sa iyang mga ngabil patyon niya ang daotan.

Isaias 37:7

Tan-awa, magbutang ako ug usa ka espiritu diha kaniya, ug siya makadungog ug mga balita, ug mopauli sa iyang kaugalingon nga yuta, ug himoon nako nga sa iyang kaugalingong yuta mapukan siya pinaagi sa espada didto.’ ”

Habacuc 3:10

Ang kabukiran nakakita kanimo, ug nangurog; ang nagbul-og nga tubig mibaha; ang kahiladman nagpagula sa iyang tingog, kini nagbayaw sa iyang mga kamot ngadto sa itaas.

Habacuc 3:15

Imong gipayatakan sa imong mga kabayo ang dagat, ang dagkong balod sa kusog nga katubigan.

2 Mga Taga-Tesalonica 2:8

Ug unya ang malapason sa balaod ipadayag, ug siya patyon sa Ginoong Jesus pinaagi sa espiritu sa iyang baba ug laglagon pinaagi sa pagpadayag sa iyang pag-abot.

Josue 3:13

Ug sa diha nga matunob sa katubigan sa Jordan ang mga lapalapa sa tiil sa mga pari nga nagyayong sa sudlanan sa Ginoo, Ginoo sa tibuok nga kalibotan, ang mga tubig sa Jordan mohunong sa pagbaha ug bisan ang mga tubig nga nag-agas gikan sa itaas matingob sa usa ka pundok.”

Josue 3:16

ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.