Exodo 15:6

Ang Biblia 2011

Ang imong tuong kamot, O Ginoo, mahimayaon diha sa gahom, ang imong tuong kamot, O Ginoo, nagdugmok sa kaaway.

Cross References

Salmo 17:7

Ipakita nga katingalahan ang imong gugma nga walay paglubad, O ikaw nga nagluwas niadtong nangita ug kadangpan gikan sa ilang mga kaaway nganha sa imong tuong kamot.

Salmo 2:9

Dugmokon nimo sila pinaagi sa sungkod nga puthaw, ug pulpogon nimo sila sama sa banga sa magkukulon.”

Salmo 24:8

Kinsa ba ang Hari sa himaya? Ang Ginoo, kusgan ug gamhanan, ang Ginoo, gamhanan diha sa panggubatan.

Salmo 44:3

kay dili pinaagi sa ilang kaugalingong espada nga nabuntog nila ang yuta, o ang ilang kaugalingong bukton naghatag kanila ug kadaogan; kondili pinaagi sa imong tuong kamot ug sa imong bukton, ug sa kahayag sa imong nawong, tungod kay nahimuot ikaw kanila.

Salmo 44:4

Ikaw ang akong Hari ug akong Dios, nga nagsugo ug kaluwasan alang kang Jacob.

Salmo 60:5

Aron maluwas ang imong mga gihigugma, hatagi ug kadaogan pinaagi sa imong tuong kamot ug tubaga kami!

Salmo 74:11

Ngano ba nga gipugngan nimo ang imong kamot, ang tuo nimong kamot? Nganong gitipigan nimo kini sa imong dughan?

Salmo 77:10

Ug ako miingon, “Kini mao ang akong kaguol nga ang tuong kamot sa Labing Halangdon nausab.”

Salmo 89:14

Ang pagkamatarong ug ang kaangayan mao ang patukoranan sa imong trono; ang gugmang walay paglubad ug ang pagkamatinumanon mag-una kanimo.

Salmo 98:1

O pag-awit ngadto sa Ginoo ug usa ka bag-ong awit, kay nagbuhat siya ug kahibulongang mga butang! Ang iyang tuong kamot ug ang iyang balaan nga bukton, nakaangkon ug kadaogan alang kaniya.

Exodo 15:11

“Kinsa man ang sama kanimo, O Ginoo, taliwala sa mga dios? Kinsa man ang sama kanimo, halangdon diha sa pagkabalaan, kahadlokan diha sa mga mahimayaong buhat, nagbuhat sa mga katingalahan?

Exodo 15:12

Gituy-od nimo ang imong tuong kamot, ang yuta milamoy kanila.

Exodo 15:16

Kahadlok ug kalisang ang ilang nahiagoman; tungod sa pagkagamhanan sa imong bukton nangahilom sila sama sa usa ka bato, hangtod nga mosaylo ang imong katawhan, O Ginoo, hangtod nga mosaylo kining katawhan nga imong gipalit.

Exodo 18:8

Unya gisugilon ni Moises sa iyang ugangan ang tanan nga gibuhat sa Ginoo ngadto sa Paraon ug sa mga Ehiptohanon tungod sa Israel, ug ang tanang kalisdanan nga miabot kanila sa dalan ug giunsa sa Ginoo pagluwas kanila.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Isaias 30:14

Ug ang pagkabuak niini sama sa pagkabuak sa kulon sa magkukulon, nga gibuak sa walay kukaluoy, nga sa mga tipak niini walay makaplagan bisan usa ka tipak nga kasudlan ug kalayo gikan sa abohan o ikakuha ug tubig gikan sa atabay.”

Isaias 51:9

Pagmata, pagmata, paglig-on, O bukton sa Ginoo; pagmata ingon sa karaan nga mga adlaw, mga kaliwatan sa karaang panahon. Dili ba ikaw mao ang nagtagodtagod kang Rahab, ang nagdunggab sa dragon?

Isaias 52:10

Gihukasan sa Ginoo ang iyang balaan nga bukton diha sa mga mata sa tanang kanasoran, ug ang tanang kinatumyan sa yuta nakakita na sa kaluwasan sa atong Dios.

Isaias 63:12

nga nagpaadto sa iyang mahimayaong bukton uban sa tuong kamot ni Moises, nga nagbahin sa katubigan sa ilang atubangan, aron sa paghimo alang sa iyang kaugalingon ug usa ka ngalan nga walay kataposan,

Jeremias 13:14

Ug akong singkion ang usa batok sa usa kanila, ang mga amahan ug mga anak, nag-ingon ang Ginoo. Dili ako maluoy o magsaylo o malukmay aron dili nako sila laglagon.’ ”

Mateo 6:13

ug ayaw kami itugyan sa pagsulay kondili luwasa kami gikan sa daotan.

Gipadayag 2:27

ug mandoan niya sila pinaagi ug bunal nga puthaw nga magdugmok kanila sama sa mga kolon nga gidugmok,

1 Samuel 2:10

Kadtong makigbatok sa Ginoo, mangapusgay; batok kanila siya modahunog diha sa langit. Ang Ginoo maghukom sa tibuok kalibotan; maghatag siya ug kalig-on sa iyang hari, ug magbayaw sa gahom sa iyang dinihogan.”