Exodo 15:25

Ang Biblia 2011

Ug si Moises nagpakitabang sa Ginoo ug ang Ginoo nagpakita kaniya ug usa ka kahoy, ug gihulog niya kini sa tubig ug ang tubig nahimong tam-is. Didto ang Ginoo naghimo alang kanila ug usa ka lagda ug usa ka tulumanon ug didto iyang gisulayan sila.

Cross References

2 Mga Hari 2:21

Unya miadto siya sa tuburan sa tubig, ug gilabay ang asin ug miingon, “Mao kini ang giingon sa Ginoo, ‘Gihimo na nakong maayo kining tubiga, dili na kini makamatay o makakuha sa gisabak.’ ”

2 Mga Hari 4:41

Apan siya miingon, “Pagdala ug harina.” Ug iya kining gisulod sa kulon ug miingon, “Sandoki ang mga tawo aron sila makakaon.” Ug walay makadaot diha sa sulod sa kulon.

2 Mga Hari 6:6

Unya ang tawo sa Dios miingon, “Diin man mahulog?” Ug sa diha nga iyang gitudlo kaniya ang dapit, nagputol siya ug usa ka gamayng kahoy ug gilabay kini didto ug gipalutaw ang puthaw.

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Salmo 66:10

Kay ikaw, O Dios, nagsulay kanamo; gisulayan nimo kami ingon nga ang plata gisulayan.

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Salmo 91:15

Sa diha nga magtawag siya kanako, ako motubag kaniya; ubanan nako siya diha sa kalisdanan, luwason nako siya ug akong pasidunggan.

Salmo 99:6

Si Moises ug si Aaron iyang mga pari, si Samuel lakip kanila nga nagsangpit sa iyang ngalan. Nagsangpit sila sa Ginoo, ug siya mitubag kanila.

Exodo 14:10

Sa dihang nagkaduol na ang Paraon, ang katawhan sa Israel miyahat sa ilang mga mata, ug ilang nakita nga ang mga Ehiptohanon nagsunod kanila ug nangahadlok sila pag-ayo. Ug ang katawhan sa Israel mituaw ngadto sa Ginoo.

Exodo 16:4

Unya ang Ginoo miingon kang Moises, “Tan-awa, magpaulan ako ug pan gikan sa langit alang kaninyo, ug ang katawhan manggula ug manguha matag adlaw ug igo alang sa usa ka adlaw, aron kasulayan nako sila kon magsubay ba sila diha sa akong balaod o dili.

Exodo 17:4

Unya si Moises mituaw ngadto sa Ginoo, “Unsa bay akong buhaton niining katawhan? Hapit na nila ako batoon.”

Exodo 20:20

Si Moises miingon sa katawhan, “Ayaw kamo kahadlok, kay ang Dios mianhi aron sa pagsulay kaninyo ug aron nga ang pagkahadlok kaniya maanaa sa inyong atubangan aron dili kamo magpakasala.”

Mga Panultihon 17:3

Ang tunawanan alang sa plata, ug ang hudno alang sa bulawan, ug ang Ginoo magsulay sa mga kasingkasing.

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 9:7

Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Ezequiel 47:7

Sa diha nga mibalik ako, nakita nako sa tampi sa suba nga dihay daghan kaayong mga kahoy sa usa ka daplin ug sa pikas daplin.

Ezequiel 47:8

Unya siya miingon kanako, “Kining tubig nagbul-og paingon sa kayutaan sa silangan, ug molugsong ngadto sa Araba, ug sa dihang mosulod kini sa nagpundo nga tubig sa dagat ug ang tubig niini mahimong tab-ang.

1 Mga Taga-Corinto 1:18

Kay ang mensahe sa krus binuang alang sa mga nagkalaglag apan alang kanato nga nangaluwas, kini ang gahom sa Dios.

Deuteronomio 13:3

ayaw kamo pamati sa mga pulong sa maong propeta o sa maong tighubad sa mga damgo kay ang Ginoo nga inyong Dios nagsulay kaninyo, aron sa pag-ila kon nahigugma ba kamo o wala sa Ginoo nga inyong Dios sa tibuok ninyong kasingkasing ug sa tibuok ninyong kalag.

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

Mga Maghuhukom 2:22

aron pinaagi kanila ako magsulay sa Israel kon sila magbantay ba o dili sa paglakaw diha sa dalan sa Ginoo ingon sa gibuhat sa ilang katigulangan.”

Mga Maghuhukom 3:1

Karon mao kini ang mga nasod nga gibilin sa Ginoo aron sa pagsulay sa Israel pinaagi kanila, nga sa ato pa, ang tanan diha sa Israel nga walay kasinatian sa bisan unsang gubat sa Canaan.

Mga Maghuhukom 3:4

Sila alang sa pagsulay sa Israel, aron sa pag-ila kon ang Israel namati ba sa mga sugo sa Ginoo nga iyang gisugo sa ilang katigulangan pinaagi kang Moises.