Exodo 15:21

Ang Biblia 2011

Ug si Miriam miawit alang kanila, “Pag-awit kamo sa Ginoo, kay siya midaog nga mahimayaon; ang kabayo ug ang nagkabayo niini gipangtambog ngadto sa dagat.”

Cross References

2 Samuel 1:20

Ayaw kini isugilon sa Gat, ayaw kini ibalita sa mga kadalanan sa Askelon; tingali unya ug ang mga anak nga babaye sa mga Filistihanon mangalipay, tingali unya ug ang mga anak nga babaye sa mga dili tinuli manghugyaw.

2 Samuel 6:14

Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

2 Cronicas 5:13

Katungdanan sa mga tigpatingog sa trumpeta ug sa mga mag-aawit ang pagpatugbaw sa ilang tingog nga maghiusa sa pagdayeg ug pagpasalamat sa Ginoo, ug sa diha nga napatugbaw na ang awit uban sa mga trumpeta ug sa mga piyangpiyang ug sa ubang mga tulunggon sa pagdayeg sa Ginoo, “Kay siya maayo, kay ang iyang gugmang walay paglubad nagpadayon hangtod sa kahangtoran,” ang balay, ang balay sa Ginoo nalukop sa panganod,

Salmo 76:6

Sa imong pagbadlong, O Dios ni Jacob, ang nagkabayo ug ang kabayo nagbuy-od nga daw patay.

Exodo 15:1

Unya si Moises ug ang katawhan sa Israel miawit niini nga alawiton ngadto sa Ginoo, “Awitan nako ang Ginoo, kay siya midaog nga mahimayaon; ang kabayo ug ang nagkabayo niini gitambog niya sa dagat.

Exodo 15:4

“Ang mga karwahi sa Paraon ug sa iyang kasundalohan gipangtambog niya sa dagat; ug ang iyang mga pinili nga mga pangulo nangaunlod sa Dagat nga Pula.

Gipadayag 14:3

Ug sila nag-awit sa usa ka bag-ong awit diha sa atubangan sa trono ug sa atubangan sa upat ka buhing binuhat ug sa atubangan sa mga kadagkoan. Walay laing nakakat-on sa maong awit gawas sa 144,000 nga gilukat gikan sa kalibotan.

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!

Gipadayag 5:9

Ug nag-awit sila sa usa ka bag-ong awit nga nag-ingon, “Takos ikaw sa pagkuha sa basahong linukot ug sa pagbukas sa mga silyo niini, kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios, gikan sa tanang kabanayan ug pinulongan ug katawhan ug kanasoran,

Mga Maghuhukom 5:3

“Pamati, O mga hari; patalinghog, O mga pangulo; ngadto sa Ginoo ako moawit, ako maghimo ug awit ngadto sa Ginoo, ang Dios sa Israel.

1 Samuel 18:6

Samtang namauli sila, human mapatay ni David ang Filistihanon, ang mga babaye nanggula gikan sa tanang siyudad sa Israel nga nag-awit ug nagsayaw aron sa pagsugat kang Hari Saul, uban ang mga gagmayng tambor, uban sa kalipay, uban sa mga awit sa mga tulunggon sa paghoni.

1 Samuel 18:7

Ug ang mga babaye nag-awit sa usa ug usa samtang sila naglipay, “Si Saul nakapatay sa iyang mga linibo, ug si David sa iyang mga tagnapulo ka libo.”